பசுந்தேயிலை கிலோவுக்கு ரூ.20.38 விலை நிர்ணயம்

குன்னுார், ; நீலகிரி மாவட்டத்தில் பசுந்தேயிலை கிலோவுக்கு, 20.38 ரூபாய் விலை நிர்ணயம் செய்யப்பட்டுள்ளது.குன்னுார் தேயிலை மையம் மற்றும் 'இன்கோசர்வ்' மையத்தில், வாரந்தோறும் தேயிலை துாள் ஏலம் விடப்பட்டு வருகிறது. அதில், தேயிலை துாளுக்கு கிடைக்கும் விலையின் அடிப்படையில் பசுந்தேயிலைக்கு மாதந்தோறும் விலை நிர்ணயம் செய்யப்படுகிறது. இதன்படி, நீலகிரியில், சிறு தேயிலை தொழிற்சாலைகள் மற்றும் கூட்டுறவு தொழிற்சாலைகளில் உற்பத்தியான தேயிலை துாள், டிச., மாதம் ஏலம் விடப்பட்டதன் அடிப்படையில், பசுந் தேயிலைக்கான விலையை, தேயிலை வாரியம் நிர்ணயம் செய்து வருகிறது. தேயிலை வாரிய செயல் இயக்குனர் முத்துக்குமார் கூறுகையில், ''டிச., மாதத்திற்கான பசுந்தேயிலை கிலோ, 20.38 ரூபாய் என விலை நிர்ணயம் செய்யப்பட்டுள்ளது, என்றார்.