முதுகுளத்துாரில் டி.எஸ்.பி.,பொறுப்பேற்பு

முதுகுளத்துார்; தினமலர் நாளிதழ் செய்தி எதிரொலியாக முதுகுளத்துார் புதிய டி.எஸ்.பி.,யாக சண்முகம் பொறுப்பேற்றார்.முதுகுளத்துார் டி.எஸ்.பி., கட்டுப்பாட்டில் பேரையூர், கீழத்துாவல், தேரிருவேலி, கடலாடி, இளஞ்செம்பூர், கீழச்செல்வனுார், முதுகுளத்துார் அனைத்து மகளிர் போலீஸ் ஸ்டேஷன் என 8 போலீஸ் ஸ்டேஷன்கள் உள்ளது. இங்கு டி.எஸ்பி.,யாக பணிபுரிந்த சின்னக்கண்ணு ஜன.,31ல் பணி நிறைவு பெற்றார்.முதுகுளத்துாரில் டி.எஸ்.பி., இல்லாத நிலையில் சிறு பிரச்னை என்றால் கூட சட்டசபை தொகுதியின் தலைநகரமாக இருக்கும் முதுகுளத்துாரில் கும்பலாக கூடுவது சாலை மறியலில் ஈடுபடுது என பதட்டமான நிலை ஏற்படுவது வழக்கம். இதுகுறித்து தினமலர் நாளிதழில் செய்தி வெளியானது. இதன் எதிரொலியாக மதுரை மாநகர் உளவுப் பிரிவில் டி.எஸ்.பி.,யாக பணிபுரிந்து வந்த சண்முகம் முதுகுளத்துார் டி.எஸ்.பி.,யாக பதவியேற்றார். போலீசார் வாழ்த்து தெரிவித்தனர்.