மாரியம்மன் கோயில் பால்குட ஊர்வலம்
ஆர்.எஸ்.மங்கலம்; ஆர்.எஸ்.மங்கலம் அருகே திருப்பாலைக்குடி மாரியம்மன் கோவில் தெரு காந்திநகர் செல்வ முத்துமாரியம்மன் கோயில் 53ம் ஆண்டு முளைப்பாரி உற்சவ விழாவை முன்னிட்டு நேற்று மாலை பால்குட விழா நடைபெற்றது. முன்னதாக மூலவர் அம்மனுக்கு சிறப்பு அபிஷேகம், அலங்கார தீபாராதனை நடைபெற்றது. விரதம் இருந்த பக்தர்கள் காவடி, அக்னி சட்டி மற்றும் பால்குடம் எடுத்து ஊர்வலமாகச் சென்று நேர்த்திக்கடன் நிறைவேற்றினர். பக்தர்கள் கொண்டு சென்ற பாலில் அம்மனுக்கு பால் அபிஷேகம் நடைபெற்றது. தொடர்ந்து வீடுகளில் வளர்க்கப்பட்ட முளைப்பாரிகளை பக்தர்கள் கோயிலில் வைத்து வழிபாடு செய்தனர்.