முதியோருக்கு உதவிட சீனியர் சிட்டிசன் ஆப்

ராமநாதபுரம்: சமூகநலன் மற்றும் மகளிர் உரிமைத்துறை சார்பில் மூத்த குடிமக்கள் நலன் கருதி உருவாக்கப்பட்டுள்ள மூத்த குடிமக்கள் செயலியை (சீனியர் சிட்டிஷன் ஆப்-ஐ) Seniorcitizen.tnsocialwelfare.tn.gov.inல் பதிவிறக்கம் செய்யலாம்.இந்த அலைபேசி செயலியில் மூத்த குடிமக்களுக்கு தேவையான வழிகாட்டுதல் இடம்பெற்றுள்ளது. குறிப்பாக அருகாமையில் உள்ள முதியோர் இல்லங்கள், மருத்துவ மனைகள், மக்கள் மருந்தகம், மத்திய, மாநில திட்டங்கள், மாவட்ட சட்ட சேவைகள் ஆணையம், அதிகாரிகள் விபரம், உடற்பயிற்சி மற்றும் ஆரோக்கியம் பற்றிய விவரங்கள், மாற்று மருத்துவம், மருத்துவமனை விவரங்கள் மற்றும் அவர்கள் குறைகள் தெரிவித்திடவும் இந்த மூத்த குடிமக்கள் செயலியில் வழிவகை செய்யப்பட்டுள்ளது, என கலெகடர் சிம்ரன்ஜீத் சிங் காலோன் தெரிவித்துள்ளார்.