ஆத்துார் கூட்டுறவு சங்கத்தில் ரூ.10 லட்சத்துக்கு பருத்தி ஏலம்

ஆத்துார், சேலம் மாவட்டம், ஆத்துார் வேளாண் உற்பத்தியாளர் கூட்டுறவு விற்பனை சங்கத்தில், வாரந்தோறும் பருத்தி, மஞ்சள் ஏலம் நடந்து வருகிறது. நேற்று நடந்த பருத்தி ஏலத்துக்கு, ஆத்துார், தலைவாசல், கெங்கவல்லி, வீரகனுார், தம்மம்பட்டி, சின்னசேலம், பெரம்பலுார் பகுதிகளில் இருந்து விவசாயிகள், 176.91 குவிண்டால் பருத்தி விற்பனைக்கு கொண்டு வந்தனர்.பருத்தி தரத்துக்கு ஏற்ப விலை நிர்ணயம் செய்தனர். பி.டி., ரகம் பருத்தி குவிண்டால், 6,789 முதல், 7,519 ரூபாய்; டி.சி.ெஹச்., ரகம் குவிண்டால், 9,269 முதல், 10 ஆயிரத்து, 289 ரூபாய்; கொட்டுபருத்தி குவிண்டால், 3,289 முதல், 4,689 ரூபாய் என, 176.91 குவிண்டால் பருத்தி, 10 லட்சம் ரூபாய்க்கு வர்த்தகம் நடந்தது.