நாயால் மரத்தில் மோதிய கார் பட்டு நுால் வியாபாரி பலி

மேட்டூர்: சேலம், அம்மாபேட்டை, தங்கசெங்கோடன் தெருவை சேர்ந்-தவர் மணிகண்டன், 45. பட்டு நுால் வியாபாரி. இவரது மனைவி கவிதா, 40. இவர்களது மகன் சாய்சபரி, 15. நேற்று மணி-கண்டன், 'வெர்னா' காரில், மேட்டூர் அடுத்த சாம்பள்ளியில் உள்ள உறவினர் வீட்டுக்கு புறப்பட்டார்.உடன் மணிகண்டனின் தாய் லட்சுமி, சாய்சபரியும் சென்றனர். மதியம், 1:30 மணிக்கு பொட்டனேரி அருகே சென்றுகொண்டி-ருந்தபோது நாய் குறுக்கே வந்ததால், மணிகண்டன் காரை வலது-பக்கம் திருப்பினார். அப்போது கட்டுப்பாட்டை இழந்த கார், சாலையோர புளியமரத்தில் மோதி சேதமானது. இதில் மணிகண்டன், சம்பவ இடத்தில் பலியானார். லட்சுமி, சாய்சபரி காயம் அடைந்தனர். இருவரையும் மக்கள் மீட்டு, சேலத்தில் உள்ள தனியார் மருத்துவமனையில் சேர்த்தனர். மேச்சேரி போலீசார் விசாரிக்கின்றனர்.