தேசிய கராத்தே டிராகன் ரியோ சாம்பியன்

சென்னை: சென்னையில் நடந்த தேசிய அளவிலான கராத்தே போட்டியில், முகப்பேரை சேர்ந்த 'டிராகன் ரியோ' பள்ளி வீரர்கள், 15 தங்கம், 12 வெள்ளி 6 வெண்கலம் வென்று 'கட்டா' பிரிவில் சாம்பியன் பட்டத்தை கைப்பற்றினர்.சென்னை, ஐ.சி.எப்., உயர்நிலைப் பள்ளியில் நேற்று முன்தினம் தேசிய அளவிலான கராத்தே சாம்பியன்ஷிப் போட்டி நடந்தது. அதில், தமிழகம் உட்பட பல்வேறு மாநிலங்களில் இருந்து சிறுவர் -- சிறுமியர் ஆர்வமுடன் பங்கேற்று, திறமையை வெளிப்படுத்தினர்.போட்டியில், தமிழகம் சார்பில் முகப்பேரில் உள்ள 'டிராகன் ரியோ' பள்ளியின் வீரர் - வீராங்கனையர் பங்கேற்றனர். அவர்கள் 'கட்டா' பிரிவில் 15 தங்கம், 12 வெள்ளி, ஆறு வெண்கலம் என, மொத்தம் 33 பதக்கங்களை வென்று சாதனை படைத்துள்ளனர். அத்துடன், 'கட்டா' பிரிவில் ஒட்டுமொத்த சாம்பியன் பட்டத்தை அப்பள்ளி அணி தட்டிச் சென்றது.