பொன்னேரியில் இன்று மின் குறைதீர் கூட்டம்

பொன்னேரி பொன்னேரியில் இன்று மின்நுகர்வோர் குறைதீர் கூட்டம் நடைபெறுகிறது.பொன்னேரி மின்வாரிய கோட்டத்திற்கு உட்பட்ட பகுதிகளைச் சேர்ந்த மின்நுகர்வோருக்கான குறைகேட்பு கூட்டம், கோட்ட பொறியாளர் அலுவலக வளாகத்தில் இன்று நடக்கிறது.காலை 10:30 - மதியம் 1:00 மணி வரை நடைபெற உள்ள கூட்டத்தில், வடக்கு திட்டம் மேற்பார்வை பொறியாளர், பொன்னேரி கோட்ட செயற்பொறியாளர், உதவி செயற்பொறியாளர்கள் மற்றும் உதவி பொறியாளர்கள் பங்கேற்று, மின்நுகர்வோரிடம் குறைகளை கேட்க உள்ளனர்.இதில், மின்சார விநியோகம், மின் தட்டுப்பாடு, குறைந்த மின் அழுத்தம், புதிய மின் இணைப்பு உள்ளிட்ட துறை சார்ந்த குறைகளை தெரிவிக்கலாம் என, பொன்னேரி கோட்ட செயற்பொறியாளர் பாண்டியன் தெரிவித்துள்ளார்.