போத்தனுார் - திருப்பூர் வழியாக 3 தீபாவளி சிறப்பு ரயில்கள்

திருப்பூர்:போத்தனுார் - சென்னை (எண்:06044) இடையே தீபாவளி சிறப்பு ரயில் அறிவிக்கப்பட்டுள்ளது. வரும், 19ம் தேதி இரவு, 11:20 க்கு போத்தனுாரில் புறப்படும் ரயில், நள்ளிரவு, 12:10 க்கு திருப்பூர் வரும்; ஈரோடு, சேலம், ஜோலார்பேட்டை, காட்பாடி, அரக்கோணம் ஸ்டேஷன்களில் நின்று, மறுநாள் காலை, 8:45க்கு சென்னை சென்று சேரும்.மறுமார்க்கமாக, 22ம் தேதி மதியம் 12:15 க்கு புறப்படும் சிறப்பு ரயில் இரவு, 10:00 மணிக்கு போத்தனுார் வந்தடையும். இரவு, 8:00 மணிக்கு திருப்பூரை கடக்கும்.வரும், 20ம் தேதி சென்னை - மங்களூரு சிறப்பு ரயில் (எண்:06007) இயங்கும். திருவனந்தபுரம் வடக்கு - எழும்பூர் சிறப்பு ரயில் (எண்:06108) வரும் 21ம் தேதி இயங்கும். தீபாவளி சிறப்பு ரயில்களுக்கான டிக்கெட் முன்பதிவு இன்று (12ம் தேதி) துவங்குமென அறிவிக்கப்பட்டுள்ளது.