வெற்றி நிச்சயம் திட்டத்தில் இலவச பயிற்சிக்கு பதிவு

உடுமலை: 'வெற்றி நிச்சயம் திட்டத்தில், கட்டணமில்லா இறைச்சி மற்றும் இறைச்சிப்பொருட்கள் தயாரிப்பு பயிற்சி, உடுமலை கால்நடை மருத்துவ கல்லூரியில் வழங்கப்பட உள்ளது. உடுமலை கால்நடை மருத்துவக் கல்லூரி மற்றும் ஆராய்ச்சி நிலையம், கால்நடை உற்பத்திப்பொருட்கள் தொழில்நுட்பத்துறையில், இறைச்சி மற்றும் இறைச்சிப்பொருட்களை பதப்படுத்தும் உதவியாளர் குறித்த கட்டணமில்லா பயிற்சி வழங்கப்பட உள்ளது. தமிழக அரசின் 'வெற்றி நிச்சயம்' திட்டத்தின் கீழ், வரும் நவம்பர் 19ம் தேதி முதல் தொடர்ந்து 25 நாட்களுக்கு, கட்டணமில்லா பயிற்சி வழங்கப்பட உள்ளது. இப்பயிற்சியில், 25 பேருக்கு வணிக ரீதியில் இறைச்சி மற்றும் இறைச்சிப்பொருட்களை பதப்படுத்தும் தொழில்நுட்பங்கள் விளக்கமாக கற்பிக்கப்படும். 18 முதல் 35 வயதுக்கு உட்பட்டவர்களாக இருக்க வேண்டும். 25 நாட்களும் பயிற்சியில் பங்கேற்க வேண்டும். பயிற்சியில் பங்கேற்க விரும்புவோர், இன்று முதல் முன்பதிவு செய்ய வேண்டும். முன்பதிவு செய்ய கீழ்கண்ட இணையதளத்தில் (www.tnskill.gov.in) பதிவு செய்ய வேண்டும். மேலும் விபரங்களுக்கு, பேராசிரியர் மற்றும் தலைவர் ஆகியோரை, நேரடியாக அல்லது 96776 88989, 94426 17605 ஆகிய அலைபேசி எண்களில் தொடர்பு கொள்ளலாம்.