2 புதிய டவுன் பஸ்கள் திண்டிவனத்தில் இயக்கம்

திண்டிவனம்: திண்டிவனத்திலிருந்து 2 புதிய டவுன் பஸ்கள் இயக்கி வைக்கும் நிகழ்ச்சி நடந்தது.திண்டிவனத்தில் இருந்து கடவாம்பாக்கம் வரை செல்லும் தடம் எண்.13 மற்றும் திண்டிவனத்திலிருந்து ஒலக்கூர் செல்லும் தடம் எண். 32 என பழைய டவுன் பஸ்களுக்கு பதிலாக, புதிய டவுன் பஸ்கள் துவக்க விழா நேற்று முன்தினம் நடந்தது.திண்டிவனம் அரசு போக்குவரத்துக்கழக பணிமனை கிளையில் நடந்த விழாவில், மேலாளர் சிவக்குமார் முன்னிலை வகித்தார். மஸ்தான் எம்.எல்.ஏ., கொடி அசைத்து பஸ்களை இயக்கி வைத்தார்.திண்டிவனம் தி.மு.க., நகர செயலாளர் கண்ணன், மாவட்ட பொருளாளர் ரமணன், முன்னாள் நகர செயலாளர் கபிலன், மாவட்ட வர்த்தகர் அணி துணைத் தலைவர் பிரகாஷ், வழக்கறிஞர் அசோகன், நகர இளைஞரணி அமைப்பாளர் சத்தீஷ் உட்பட பலர் பங்கேற்றனர்.