இ.எஸ்., மெட்ரிக் பள்ளியில் தினமலர் - பட்டம் இதழ் வழங்கல்
விழுப்புரம்; விழுப்புரம் இ.எஸ்., மெட்ரிக் மேல்நிலை பள்ளியில் 'தினமலர் - பட்டம்' இதழ் வழங்கும் நிகழ்ச்சி நடந்தது. 'தினமலர்' நாளிதழ் வழங்கும் 'தினமலர் - 'பட்டம்' இதழ், மாணவர்களின் வாசிப்பு திறனை மேம்படுத்தவும், பொது அறிவு, நாட்டு நடப்புகள், அறிவியல் கண்டுபிடிப்புகள், தொழில் நுட்ப வளர்ச்சி மற்றும் போட்டி தேர்வுகளை எதிர்கொள்ள மாணவர்களை தயார்படுத்தும் நோக்கில் விரிவான தகவல்களை வழங்கி வருகிறது. பள்ளி மாணவர்களுக்காக இந்த பட்டம் சிறப்பிதழ், திங்கள் முதல் வெள்ளிக்கிழமை வரை வெளியாகிறது. விழுப்புரம் இ.எஸ்., மெட்ரிக் மேல்நிலைப்பள்ளியில், 'தினமலர் - பட்டம்' இதழ் வழங்கும் நிகழ்ச்சி நேற்று நடந்தது. பள்ளி தாளாளர் செல்வமணி, செயலாளர் பிரியா செல்வமணி ஆகியோர் தலைமை தாங்கி, மாணவர்களுக்கு பட்டம் இதழ்களை வழங்கி, அதன் சிறப்புகளை விளக்கினர். பள்ளி முதல்வர் சித்ராதேவி, அலுவலர்கள் ராஜ்குமார், அப்போலின் மற்றும் ஆசிரியர்கள், மாணவர்கள் பங்கேற்றனர்.