டி.வி.நல்லுார் ஒன்றியக்குழு கூட்டம்
திருவெண்ணெய்நல்லுார் : திருவெண்ணெய்நல்லுார் பி.டி.ஓ., அலுவலகத்தில் மாதாந்திர ஒன்றியக்குழு கூட்டம் நடந்தது.இக்கூட்டத்திற்கு சேர்மன் ஓம்சிவசக்திவேல் தலைமை தாங்கினார். பி.டி.ஓ., ரவி முன்னிலை வகித்தார். துணை சேர்மன் கோமதி நிர்மல்ராஜ் வரவேற்றார். அலுவலக கணக்காளர் சிலம்பரசன் தீர்மானம் வாசித்தார்.கூட்டத்தில் குடிநீர், சாலை வசதி, மின்விளக்கு, சுகாதாரம், பள்ளி கழிவறை, மயான பாதை உள்ளிட்ட வளர்ச்சி திட்ட பணிகள் குறித்தும், கவுன்சிலர்கள் தெரிவித்த மக்களின் குறைகள் குறித்தும் ஆலோசித்து தீர்மானங்கள் நிறைவேற்றப்பட்டன. இதில் துணை பி.டி.ஓ., அலுவலகப் பணியாளர்கள், கவுன்சிலர்கள் பங்கேற்றனர்.