தங்கம் விலை சவரனுக்கு ரூ.840 உயர்வு

சென்னை:தமிழகத்தில் நேற்று முன்தினம், 22 காரட் ஆபரண தங்கம் கிராம், 8,750 ரூபாய்க்கும், சவரன், 70,000 ரூபாய்க்கும் விற்பனையானது.வெள்ளி கிராம், 109 ரூபாய்க்கு விற்கப்பட்டது. நேற்று காலை, தங்கம் விலை கிராமுக்கு, 15 ரூபாய் உயர்ந்து, 8,765 ரூபாய்க்கு விற்பனையானது. சவரனுக்கு, 120 ரூபாய் அதிகரித்து, 70,120 ரூபாய்க்கு விற்கப்பட்டது. வெள்ளி விலையில் மாற்றமில்லை.தொடர்ந்து இரண்டாவது நாளாக, நேற்று மாலை மீண்டும் தங்கம் விலை உயர்ந்தது. தங்கம் கிராமுக்கு, 90 ரூபாய் அதிகரித்து, 8,855 ரூபாய்க்கு விற்பனையானது. சவரனுக்கு, 720 ரூபாய் உயர்ந்து, 70,840 ரூபாய்க்கு விற்கப்பட்டது. நேற்று ஒரே நாளில் தங்கம் விலை சவரனுக்கு, 840 ரூபாய் அதிகரித்தது.