தங்கம் விலை ஒரு வாரத்தில் சவரனுக்கு ரூ.2,440 குறைவு

சென்னை:தமிழகத்தில், கடந்த ஒரு வாரத்தில் மட்டும், ஆபரண தங்கம் விலை சவரனுக்கு, 2,440 ரூபாய் சரிவடைந்துள்ளது. தமிழகத்தில் நேற்று முன்தினம், 22 காரட் ஆபரண தங்கம் கிராம், 8,985 ரூபாய்க்கும், சவரன், 71,880 ரூபாய்க்கும் விற்பனையானது. வெள்ளி கிராம், 120 ரூபாய்க்கு விற்கப்பட்டது.நேற்று தங்கம் விலை கிராமுக்கு, 55 ரூபாய் குறைந்து, 8,930 ரூபாய்க்கு விற்பனையானது. சவரனுக்கு, 440 ரூபாய் சரிவடைந்து, 71,440 ரூபாய்க்கு விற்கப்பட்டது. வெள்ளி கிராமுக்கு, 1 ரூபாய் குறைந்து, 119 ரூபாய்க்கு விற்பனையானது. கடந்த, 21ம் தேதி தங்கம் கிராம், 9,235 ரூபாய்க்கும், சவரன், 73,880 ரூபாய்க்கும் விற்பனையானது. கடந்த ஒரு வாரத்தில் மட்டும், தங்கம் விலை கிராமுக்கு, 305 ரூபாயும், சவரனுக்கு, 2,440 ரூபாயும் சரிவடைந்துள்ளது.