உள்ளூர் செய்திகள்

/ செய்திகள் / தமிழகம் / மொபைல் போனுக்கு கட்டணம் பக்தர்களுக்கு தண்டனையா?: ஹிந்து முன்னணி கேள்வி

மொபைல் போனுக்கு கட்டணம் பக்தர்களுக்கு தண்டனையா?: ஹிந்து முன்னணி கேள்வி

திருப்பூர்: 'கோவிலுக்கு பக்தியுடன் வரும் பக்தர்களுக்கு தண்டனை வழங்குவது போல, மொபைல் போனுக்கு 5 ரூபாய் கட்டணம் எனும் திட்டத்தை விலக்கி கொள்ள வேண்டும்' என, ஹிந்து முன்னணி வலியுறுத்தி உள்ளது. அதன் தலைவர் காடேஸ்வரா சுப்ரமணியம் அறிக்கை: கோவில்களில் மொபைல் போனுக்கு தடை என்பதும், அதனை பாதுகாக்க, 5 ரூபாய் கட்டணம் வசூலிப்பதும், அரசின் மீது மக்களிடையே அதிருப்தியை ஏற்படுத்தியுள்ளது. மொபைல் போன் என்பது போட்டோ எடுப்பதற்கு மட்டுமல்ல; பல வகைகளில் மக்களுக்கு மிக தேவையான ஒன்று. கோவிலில் ஆபாசமாக 'ரீல்ஸ்' எடுப்பதை தடுப்பது நியாயமானது. ஆனால், மொபைல் போனுக்கு தடை விதித்து, அதை பாதுகாக்க கட்டணம் வசூலிப்பது பக்தர்களுக்கு அதிர்ச்சி தருகிறது. அவசர உதவிக்கு அல்லது குடும்பத்தினரிடம் இருந்து அவசர செய்திக்கு என்ன ஏற்பாடு இருக்கிறது. பிரம்மாண்டமான கோவிலில், உள்ளே செல்லும் வழியிலேயே திரும்பினால் நெரிசல் தான் ஏற்படும். ராமேஸ்வரம் போன்ற கோவில்களில் கோடிக்கணக்கில் டெண்டர் விட்டு, திருமண விழாக்களை போட்டோ, - வீடியோ எடுக்க கொள்ளை கட்டணம் வசூலிக்க, ஹிந்து சமய அறநிலையத்துறை துணை போகிறது. சபரிமலை அய்யப்பன், திருப்பதி ஏழுமலையான் கோவில்களில் மொபைல் போன்களை பாதுகாக்க கட்டணம் வசூலிப்பதில்லை. அவசர உதவிக்கான அறிவிப்பு வசதி முதலானவையும் உள்ளன. ஆனால், தமிழகத்தில் பக்தர்களிடம் வசூல் வேட்டை நடத்துவதிலேயே அறநிலையத்துறை குறியாக இருப்பது வெட்கக்கேடு. எனவே, கோவிலுக்கு பக்தியுடன் வரும் பக்தர்களுக்கு தண்டனை வழங்குவது போல உள்ள இந்த திட்டத்தை, அரசு கைவிட வேண்டும். இல்லையெனில், மொபைல் போன் பாதுகாப்பை இலவசமாக வழங்க வேண்டும். இவ்வாறு, அதில் கூறியுள்ளார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 30 )

அப்பாவி
செப் 03, 2026 15:58

போனை வெச்சு பேசணும். இங்கே எல்லாத்தை யும் படம் புடிச்சி ரில்ஸ் போட்டு காசு பாக்குறாங்க.


தர்மராஜ் தங்கரத்தினம்
செப் 03, 2026 14:30

ஹிந்துக்கள் சர்ச்ச்களுக்கு போயி கும்புட்டு , சர்ச்சுகளுக்கு நிதியும் கொடுத்தா ஹிந்துக்களை மன்னிச்சு விட்டுரும் திருச்சபை ஆட்சி ....


VR NARAYANAN
செப் 03, 2026 11:51

யாரோ சிலர் ரீல்ஸ் எடுக்கிறார்கள் என்பதிற்காக மொத்தமாக மொபைல் போனை தடை செய்யும் அரசு ஆணை சரியல்ல..மதுரை, திருச்செந்தூர் போன்ற பிரம்மாண்டமான கோவில்களில் மக்கள் பிரிந்து சென்றால் தேடுவது கடிணம்..போன் இருந்தால் தொடர்பு கொள்வது எளிது.. மேலும் இக்கோவில்களில் அறிவிப்பு பலகைகளில் போட்டோ / வீடியோ எடுக்க கூடாது மற்றும் தண்டனை விபரம் குறைந்தது 5000 ரூபாய்/ போன் பறிமுதல் என்ற விபரங்களை வைக்க வேண்டும்..தவறு செய்பவர்களை சிடிவ் கொண்டு கண்காணிக்க வேண்டும் ..இதை செய்யாமல் போன் தடை செய்வது நியாயமல்ல. ஏற்கனவே கோவில்களில் கூட்ட நெறிசல் போனை வைக்க அதற்கு ஒருதனி வரிசை, காலனி வைக்க ஒரு வரிசை...மொத்தத்தில் கடவுளை வணங்க இவ்வளவு கட்டுப்பாடுகள் தேவையா..இந்து முன்னனி போன்ற அமைப்புக்கள் நீதிமன்ற நாடி அரசு உத்தரவை ரத்து செய்ய வேண்டும்


Nathan
செப் 03, 2026 11:22

ஐந்து ரூபாய் கொடுத்து பாதுகாப்பு அறையில் வைப்பது எந்த வகையிலும் பக்தர்களை ஏழையாக ஆக்கி விடாது தேவையற்ற அரசியல் வேண்டாம்


Indianதமிழன்
செப் 03, 2026 10:39

அதான் தெளிவாக மரமண்டைகளுக்கு புரியும்படி சொல்றாருல "சபரிமலை அய்யப்பன், திருப்பதி ஏழுமலையான் கோவில்களில் மொபைல் போன்களை பாதுகாக்க கட்டணம் வசூலிப்பதில்லை. "


Prabasankar
செப் 03, 2026 10:04

அப்போ என்ன தீர்வு அதையும் கொஞ்சம் சொல்லுங்கள். எது செய்தாலும் உடனே ஒரு அறிக்கை இவ்வளவு நாள் கோவிலில் நடந்த பிரச்சனைக்கு என்ன செய்தீர்கள்.


sankar
செப் 03, 2026 08:51

காசி விஸ்வநாதர் கோவிலுக்கு சென்று இருந்தேன் - அங்கேயும் மொபைல் போன் அனுமதி இல்லை - அங்கேயே வெளியில் செக்கூரிட்டி வாங்கி லாக்கரில் வைத்து சாவி தருவார் - ஆனால் கட்டணம் கிடையாது - இலவசம் - அரைவேக்காடுத்தனமான ஒரு உத்தரவு -கொஞ்சம் மூளையை உபயோகித்தால் நல்லது


VENKATASUBRAMANIAN
செப் 03, 2026 08:11

இது மற்றோரு கொள்ளை. திருப்பதியில் கர்நாடக கோவில்களில் எந்த கட்டணமும் வசூலிக்கப்படவில்லை. இங்கே ஏன்


Haja Kuthubdeen
செப் 03, 2026 08:01

வெறும் ஒரு ஐந்து ரூபாய்..அதுவும் விலை உயர்ந்த போனை பாதுகாப்பா வைத்துக் கொள்ள...இவர் ஒரு இயக்கத்தின் தலைவர்..மக்கள் கஷ்டத்திற்கு குரல் கொடுக்கிறாராம்.


Haja Kuthubdeen
செப் 03, 2026 07:58

நண்பர்களே ஒரே ஒரு கருத்தை மட்டும் சொல்கிறேன்.பெருமை பேசுவதா நினைக்க வேணாம்.பிடிக்காதவர்கள் கடந்து போயிடுங்க.இறைவனுக்கு அரசனும் ஒன்றே ஆண்டியும் ஒன்றே..அதெப்படி பணக்காரர்கள் தலைவர்கள் முக்கியமானவர்களுக்கு மட்டும் தனி வசதி எந்த நேரத்தில் வேண்டுமானாலும் இஸ்டத்துக்கு வரது.நான் சொன்னது தவறு என்றால் மன்னியுங்கள்.திட்டாதீர்கள்.மஸ்ஜிதில் யார் முன்பே வருகிறார்களோ அவர்கள்தான் முதல் வரிசை..அவர் ஏழையாக..ஏன் பிச்சைகாரர்களாகவே இருந்தாலும் சரி..உடல் சுத்தம் உடை சுத்தம் மட்டும் இருந்தால் போதும்.எந்த கொம்பாதி கொம்பனும் பின்னாடி போயி நில்லுன்னு சொல்ல முடியாது.சொல்லவும் மாட்டார்கள்.அவர்களுக்கு தெரியும் இறைவன் முன்பு அனைவரும் ஒன்றே எண்பது.முஸ்லிம்களை கண்டபடி திட்டுகிறீர்கள்.இந்த ஒரு விசயத்திலாவது பின்பற்றலாமே...


aaruthirumalai
செப் 03, 2026 11:25

good


புதிய வீடியோ