ஹைதராபாத் சென்ற விமானத்தில் இயந்திரக் கோளாறு: சென்னையில் பத்திரமாக தரையிறக்கம்

சென்னை: ஹைதராபாத் சென்ற இண்டிகோ விமானம், நடுவானில் பறந்து கொண்டு இருந்த போது இயந்திரக் கோளாறு கண்டுபிடிக்கப்பட்டதால், அந்த விமானம் சென்னையில் பத்திரமாக தரையிறக்கப்பட்டது.சென்னையில் இருந்து தெலுங்கானா மாநிலம் ஹைதராபாத்திற்கு இன்று( ஜூலை 29) மாலை 3:40 மணிக்கு இண்டிகோ நிறுவனத்துக்கு சொந்தமான விமானம் கிளம்பியது. விமானத்தில் 159 பயணிகள், 6 ஊழியர்கள் பயணித்தனர். விமானம் நெல்லூரில் நடுவானில் பறந்து கொண்டிருந்த போது, இயந்திரக் கோளாறு ஏற்பட்டது தெரிந்தது.https://static.vidgyor.com/player/vod/html/indexv2.html?videoId=9v5bkmhy&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0இதனையடுத்து அந்த விமானத்தை விமானி, மீண்டும் சென்னைக்கே திருப்பினார். விமானம் பத்திரமாக தரையிறக்கப்பட்டது. சென்னையில் பயணிகளுக்கு தேவையான வசதிகள் செய்து கொடுக்கப்பட்டதுடன், மாற்று விமானத்தில் அனுப்பி வைக்கவும் நடவடிக்கை எடுக்கப்பட்டுள்ளது.