உள்ளூர் செய்திகள்

/ செய்திகள் / தமிழகம் / லஞ்சம், வசூல் வேட்டை நடத்திய எஸ்.ஐ., டிஸ்மிஸ்; இரு போலீசார் சஸ்பெண்ட்

லஞ்சம், வசூல் வேட்டை நடத்திய எஸ்.ஐ., டிஸ்மிஸ்; இரு போலீசார் சஸ்பெண்ட்

சென்னை: இருசக்கர வாகனத்தை விடுவிக்க லஞ்சம் வாங்கிய இரு போலீஸ்காரர்கள், நேற்று சஸ்பெண்ட் செய்யப்பட்டனர். அதேபோல், பல இடங்களில் வசூல் வேட்டை நடத்திய புழல் காவல் நிலைய எஸ்.ஐ., மாரீஸ்வரனை (41), சென்னை கமிஷனர் அமல்ராஜ் நேற்று, 'டிஸ்மிஸ்' செய்து உத்தரவிட்டார்.சிவகங்கை மாவட்டத்தைச் சேர்ந்தவர் ராஜா; திருப்பூரில் பேக்கரி கடையில் பணிபுரிந்து வருகிறார். தனியார் நிதி நிறுவனம் மூலம் வாங்கிய இவரது இருசக்கர வாகனம், கடந்த மாதம் 11ல் திருடுபோனது. இதுகுறித்து திருப்பூர் போலீசில் புகார் அளித்திருந்தார்.https://static.vidgyor.com/player/vod/html/indexv2.html?videoId=39qd1dtr&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0இந்நிலையில், சென்னை வடக்கு கடற்கரை காவல் நிலைய தனிப்படை உதவி ஆய்வாளர் சிவராஜ், 30, போலீஸ்காரர் விவேக், 35, ஆகியோர், வழக்கு ஒன்றில் தொடர்புடைய நபரை பிடிக்க, கடந்த செப்., 22ம் தேதி, திருவல்லிக்கேணி சென்றனர்.போலீசார் வருவதை பார்த்து, அந்நபர் தப்பிச்சென்றார். எனினும், அவர் ஓட்டி வந்த இருசக்கர வாகனம் பிடிபட்டது. இதன் பதிவு எண்ணை ஆய்வு செய்தபோது, அது, திருப்பூர் ராஜாவின் வாகனம் என்பது தெரிந்தது.இதையடுத்து, ராஜாவை சென்னைக்கு வரவழைத்த இரு போலீசாரும், எழும்பூரில் நிறுத்தியிருந்த அவரது வாகனத்தை விடுவிக்க, அவரிடம் இருந்து பணப்பரிவர்த்தனை செயலியான 'ஜிபே' மூலம், 10 ஆயிரம் ரூபாய் லஞ்சமாக பெற்றனர்.இதுகுறித்து ராஜா, சென்னை போலீஸ் கமிஷனர் அலுவலக விஜிலென்ஸ் பிரிவில் புகாரளித்தார். விசாரணையில், போலீசார் லஞ்சம் பெற்றது உறுதி செய்யப்பட்டது. இதையடுத்து, எஸ்.ஐ., சிவராஜ், போலீஸ்காரர் விவேக் ஆகியோரை, கமிஷனர் அமல்ராஜ் நேற்று சஸ்பெண்ட் செய்தார்.

வசூல் வேட்டை

தமிழக காவல் துறையில் நேரடி எஸ்.ஐ.,யாக பணியில் சேர்ந்தவர் மாரீஸ்வரன், 41. இவர், இரண்டு ஆண்டுகளுக்கு முன், அண்ணா நகர் காவல் நிலையத்தில் பணிபுரிந்தார். அப்போது, லஞ்ச புகாரில் சிக்கியதால், 'சஸ்பெண்ட்' செய்யப்பட்டார். துறை ரீதியான விசாரணைக்குப் பின், மீண்டும் பணியில் சேர்த்து கொள்ளப்பட்டார்.தற்போது, சென்னை போலீசின் மாதவரம் காவல் நிலைய குற்றப்பிரிவில் பணிபுரிந்து வந்தார். இவர் மீது, வசூல் வேட்டை, பணியில் ஒழுங்கீனம் உள்ளிட்ட குற்றச்சாட்டுகளும் தொடர்ந்தன. இதனால், மாரீஸ்வரன் மீது துறை ரீதியான விசாரணை நடந்தது. குற்றச்சாட்டுகள் உண்மை என, தெரியவந்ததால், கமிஷனர் அமல்ராஜ் உத்தரவின்படி நேற்று 'டிஸ்மிஸ்' செய்யப்பட்டார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 9 )

MARUTHU PANDIAR
அக் 03, 2026 17:52

சரி தான். உண்மையிலேயே ரோஷம் வந்திடுச்சு போல. இவனது கணக்கில் வராத சொத்துக்களை பறி முதல் செய்ய வேண்டும். இவன் பெயர் போட்டோ டிஸ்மிஸ்ஸல் விவரம் தமிழகத்தின் எல்லா காவல் நிலையங்களிலும் ஒட்டப் பட வேண்டும். செய்வார்களா?


Palanisamy
அக் 03, 2026 12:31

ஆஹா, இப்போதுள்ள திமுக ஆட்சியில் லஞ்சம்வாங்கிய போலீசார் சஸ்பெண்ட் . கொஞ்சமும் நம்பமுடியவில்லை


VENKATASUBRAMANIAN
அக் 03, 2026 09:27

இதேபோல் யாராக இருந்தாலும் டிஸ்மிஸ் செய்ய வேண்டும்


VRM
அக் 03, 2026 08:28

அப்போ லஞ்சம் வாங்கி அவன் சேர்த்த பணத்தை எப்படி recover செய்வது? அதற்கு சட்டமில்லையா?


அப்பாவி
அக் 03, 2026 06:10

இதுங்க எப்போ திருந்துமோ?


நிக்கோல்தாம்சன்
அக் 03, 2026 04:45

வழக்கமா ஆயுதப்படைக்கு தானே மாத்துவீங்க , இப்போ என்ன திடீர் ஞானோதயம் ?


Rajesh M
அக் 03, 2026 19:55

ஆமா இல்ல


naranam
அக் 03, 2026 04:13

லஞ்சம் வாக்கும் போலீசாருக்கு மட்டும் மீண்டும் மீண்டும் துறை ரீதியான விசாரணை, பிறகு மீண்டும் பணியமர்த்தல்? இது என்ன நியாயம்? அவர்கள் நிரந்தரமாக தங்கள் பணியை இழக்கும் நிலை தான் சரியான நீதியாக இருக்கும்! சஸ்பெண்ட் துறை விசாரணை என்பதெல்லாம் போது மக்களுக்கும் தெரியும் அந்த போலீஸ்காரருக்கும் தெரியும். ஆகவே இந்தக் கண் துடைப்பு நடவடிக்கைகளை உடனடியாக நிறுத்தி விட்டு லஞ்சம் வாங்கும் போலீசாரை நிரந்தர பணி நீக்கம் செய்து சிறை தண்டனையும் வழங்க வேண்டும். முதல்வர் கவனிப்பாரா?


GUNASEKARAN RANGASAMY
அக் 03, 2026 08:03

லஞ்சம் கொடுப்பவர்களை???