உள்ளூர் செய்திகள்

/ செய்திகள் / தமிழகம் / அமைதியும், பாதுகாப்பும் நிறைந்த தமிழகத்தை உருவாக்க உறுதியேற்போம்: முதல்வர் விஜய்

அமைதியும், பாதுகாப்பும் நிறைந்த தமிழகத்தை உருவாக்க உறுதியேற்போம்: முதல்வர் விஜய்

சென்னை: அமைதியும், பாதுகாப்பும் நிறைந்த தமிழகத்தை உருவாக்க உறுதியேற்போம் என முதல்வர் விஜய் காவலர் தின வாழ்த்து தெரிவித்துள்ளார்.அவரது அறிக்கை: 1859ம் ஆண்டு மெட்ராஸ் மாவட்டக் காவல் சட்டத்தை நிறைவேற்றி, நவீன மற்றும் அமைப்புரீதியான காவல்துறை தோற்றுவிக்கப்பட்ட நாளை நினைவுகூரும் வகையில் கொண்டாடப்படும் காவலர் நாளை முன்னிட்டு, சமூகத்தில் அமைதி நிலவிடவும், சட்டத்தின் ஆட்சி நிலைபெறவும் தன்னலமின்றிப் பணியாற்றிவரும் காவல்துறையினர் அனைவருக்கும் எனது நெஞ்சம் நிறைந்த காவலர் நாள் நல்வாழ்த்துகளைத் தெரிவித்துக் கொள்கிறேன்.நமது மாநிலத்தில், குற்றங்களைத் தடுத்து, சட்ட ஒழுங்கைப் பேணுவதுடன், ஆபத்தான சூழல்களிலும், பேரிடர் காலங்களிலும் மக்களின் உயிர், உடைமை மற்றும் உரிமைகளைப் பாதுகாப்பதிலும் துணிவுடன் நின்று களப்பணி ஆற்றிவரும் காவல்துறையினரின் வீரமும் தியாகமும் என்றும் போற்றத்தக்கவை. காவல்துறையினரின் பணிச்சுமையைக் குறைத்து, நவீன தொழில்நுட்ப வசதிகளுடன் அவர்களின் பணித்திறனை மேம்படுத்தி, காவலர்களுக்கும், அவர்களின் குடும்பங்களுக்கும் தேவையான நலத்திட்டங்களை உறுதிசெய்வதற்கும் நமது அரசு முன்னுரிமை அளிக்கும். மக்களும் காவல்துறையுடன் கரம் கோர்த்து, நம்பிக்கையுடனும் நல்லிணக்கத்துடனும் பயணித்து, அமைதியும் பாதுகாப்பும் நிறைந்த உன்னதத் தமிழகத்தை உருவாக்க இந்நாளில் உறுதியேற்போம். இவ்வாறு முதல்வர் விஜய் கூறியுள்ளார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 8 )

ஊர்குருவி
செப் 06, 2026 16:29

எண்ணங்களையும் செயல் களையும் ஒன்றிணைக்கும்படியான திட்டங்கள் தேவை .சாராயம் விற்பதற்கு கூடுதல் அளவுகோல் நிர்ணயிக்கும் அரசால் அமைதியும் பாதுகாப்பும் எப்படிஉறுதி செய்யமுடியும் .உங்களின் படிப்படியாக குறைப்போம் என்ற வாக்குறுதிக்கு புறம்பானதாக இல்லையா ?உங்கள் எண்ணங்களையும் செய்லகளையும் ஒன்றுபடுத்தினால்தான் உங்களுக்கு வெற்றி கிடைக்கும் .அரசு சாராயம் விற்பது அரசியல் சாசனம் 47 க்கு புறம்பானது என்று சட்டசபயில் மாண்புமிகு சட்டமன்ற உறுப்பினர் திருமதி சௌமியா அன்புமணி கூறினார்களே அதற்கான அரசின் விளக்கம் ஏதும் தரப்படவில்லையே .அரசு சட்டத்தை மீறுவது சரி என்று நினைகிண்றீர்களா ?சட்டங்கள் எல்லாம் தமிழ்நாட்டு அரசுக்கு பொருந்தாதா ?ஒரு கோடி குடும்பங்கள் குடியில் மூழ்கி இருப்பதாக அறியப்படுகின்றது .அமைதியும் பாதுகாப்பும் தேவை என்றால் ஒரு கோடி காவலர்களை நியமிக்கவேண்டும் .


RRY
செப் 06, 2026 16:12

இங்கே திராவிடர்கள் முதல்வர் விஜய்க்கு எதிராக திமிராக கருத்து சொல்வது அவர்களின் அறியாமையை காட்டுகிறது


இந்து
செப் 06, 2026 15:52

வீண் விளம்பர திவாலா ஆட்சி. இன்னும் பெண்களுக்கு உரிய பாதுகாப்பு இல்லை. கொலை கொள்ளை எங்கும் ஊழல் தினசரி செய்தியாக உள்ளது. இந்நிலையில் அமைதி என்பது எட்டாக்கனி.


தர்மராஜ் தங்கரத்தினம்
செப் 06, 2026 13:13

ஒரு கோக்குமாக்கு கட்சியின் பி டீமாக இருந்துக்கிட்டு உங்களால முடியாது.....


சுந்தரம் விஸ்வநாதன்
செப் 06, 2026 12:13

மாற்றம்ன்னு சொன்னதில் உண்மையிலேயே ஒரு மாற்றம் நிகழ்ந்திருக்கிறது. தமிழர்களின் அடையாளமான வேஷ்டி அணிவது கேவலம் என்ற நிலை மாறி முதலமைச்சசரே இப்போது பல அரசு விழாக்களுக்கு வேஷ்டி அணிந்து வருகிறார்.


sundarsvpr
செப் 06, 2026 10:48

நீதிமன்றம் போல் அதிகாரம் காவல்துறைக்கு இருக்கவேண்டும். இது அரசியல் நோக்கமுள்ள அரசுகிற்கு இருக்காது. தழிழக அரசை எடுத்துக்கொள்வோம். தலைமை அமைச்சர் பெயர் விஜய்... இப்போது பெயர் ஜோசப் விஜய். இவருடைய செயல்கள் மத சார்பு அற்றது என்று கூற இயலாது.


V Venkatachalam, Chennai-87
செப் 06, 2026 11:48

நீங்க தான் சரியா சொல்றீங்கோ.


Krishna
செப் 06, 2026 10:19

Sack& Punish All80% PowerMisusing MegaLooting AntiPeople Case NEWS-VotePower Hungry SelfSaintMAFIAs& Vested FalseComplaintGangs And Rulers& StoogeOfficials. No Mercy Required in Nation& SupremePeoples Interests


அதிகம் விமர்ச்சிக்கப்பட்டவை