உள்ளூர் செய்திகள்

/ செய்திகள் / தமிழகம் / யார் அந்த கருப்பு ஆடு? போலீசாரிடையே அடிதடி

யார் அந்த கருப்பு ஆடு? போலீசாரிடையே அடிதடி

ஈரோடு: போலீஸ் ஸ்டேஷனில், விசாரணைக்கு அழைத்து வந்தவரை தாக்கும் வீடியோ வெளியான விவகாரத்தில், வீடியோவை யார் வெளியிட்டது என்ற விவாதத்தில், போலீசார் அடித்துக் கொண்டது சர்ச்சையை ஏற்படுத்தி உள்ளது. ஈரோடு மாவட்டம், தாளவாடி போலீஸ் ஸ்டேஷனில் உள்ள ஓய்வறையில், மகாதேவா, 19, என்பவரை, போலீசார் சேர்ந்து கம்பால் கடுமையாக தாக்குவதும், அவர் கதறி அழுவதுமாவன வீடியோ பரவியது. இதுபற்றி மனித உரிமை ஆர்வலர்கள் குரல் கொடுத்த நிலையில், ஈரோடு மாவட்ட போலீஸ் அறிக்கையில், 'அந்த வீடியோ, 2024ல் எடுக்கப்பட்டது. குற்ற வழக்கு பின்னணியில் இருந்தவரை கைது செய்து நடவடிக்கை எடுத்துள்ளனர். அப்போது எடுக்கப்பட்ட வீடியோ' என, தெரிவித்திருந்தனர். இது தொடர்பாக, நேற்று முன்தினம் ஸ்டேஷனில் பணி செய்த ஒரு எஸ்.ஐ., - ஒரு போலீஸ்காரர் ஆகியோரிடம் எஸ்.பி., கிரண் ஸ்ருதி உள்ளிட்டோர் விசாரித்தனர். சம்பவம் நடந்த போது, தாளவாடி ஸ்டேஷனில் பணிபுரிந்தவர்களில் சிலர், தற்போதும் அங்கு பணியில் உள்ளனர். அவர்களில், யார் வீடியோ எடுத்து வெளியிட்டனர் என்பது தொடர்பாக, நேற்று முன்தினம் ஸ்டேஷனில் வாக்குவாதம் ஏற்பட்டு, ஒருவரை ஒருவர் தாக்கிக் கொண்டனர். அங்கு புகார் தெரிவிக்க வந்த மக்கள் தடுத்து சமாதானம் செய்துள்ளனர். வீடியோவை விட, போலீசார் அடித்துக் கொண்ட விவகாரம் சர்ச்சையை ஏற்படுத்தியுள்ளது. இதுகுறித்து, எஸ்.பி., கிரண் ஸ்ருதி கூறுகையில், ''இவ்விரு சம்பவங்கள் குறித்தும் விசாரித்து வருகிறோம். இருவர் இடமாற்றம் செய்யப்பட்டுள்ளனர். விசாரணை முடிந்த பின் தெரிவிக்கிறோம்,'' என்றார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 11 )

Ramesh Sargam
செப் 12, 2026 13:12

இருவர் இடமாற்றம் செய்யப்பட்டுள்ளனர். இந்த இடமாற்றம் என்பது ஒன்றுக்கும் உதவாத தண்டனை. மாறிய இடத்தில் அவர்கள் என்ன நேர்மையாக, சட்டத்திற்கு பணிந்து பணிபுரிவார்களா? ஹூ ஹூம். வாய்ப்பே இல்லை. போகிற போக்கை பார்த்தால் தமிழகத்தின் வொவொரு காவல் நிலையங்களிலும் ஒன்றிரண்டு மனித உரிமை அதிகாரிகள் பணிபுரியவேண்டும் போல தோன்றுகிறது. அவர்கள் முன் விசாரணைக்கு அழைத்து வரப்படும் குற்றவாளிகள் விசாரிக்கப்படவேண்டும். அப்பொழுதுதான் காவல்துறையின் மனிதாபிமானமற்ற கடுமையான நடவடிக்கைகள் ஒரு முடிவுக்கு வரும்.


Mecca Shivan
செப் 12, 2026 11:17

இளைஞனை தாக்கியத்திற்க்கு ஒரு நடவடிக்கையும் கிடையாது யாரு அந்த விஷயத்தை கசியவிட்டார்கள் என்பதற்கும் அதற்கு அடித்தொகொண்டதிற்கும் நடவடிக்கை . சபாஷ் ஆட்சி மாறினாலும் இன்னமும் திமுக ஆட்சிதான் தொடர்கிறது


ராம்
செப் 12, 2026 10:47

500 ரூபாய் சிக்னல் பிச்சைக்காரர்கள்... மறைமலை நகர் சிக்னல் பகுதியில் தினமும் காணலாம்...


Nagarajan D
செப் 12, 2026 09:59

கேவலமான சம்பவத்திற்கு வெறும் பனி இட மாற்றம் தானா?


Krishna
செப் 12, 2026 09:02

Arrest Defame Prosecute& Convict-Dismiss All PowerMisusing


RAMAKRISHNAN NATESAN
செப் 12, 2026 08:42

மிசாவில் வாங்கிய அடியின் தழும்பு இன்னும் இருக்குன்னு சொன்னவரு இந்தத்துறையை எப்பிடி வெச்சுட்டு போயிருக்காரு ?


Barakat Ali
செப் 12, 2026 07:25

ரவு டிகளை விட ஏவல் டுரை மூர்க்கதனமாக ஆனது ஏன் ?? காரணம் யார் ?? திராவிட மாடலா அல்லது ஆரியர்களா ??


Lakshminarasimhan
செப் 12, 2026 08:32

எல்லாம் அந்த விசில் செய்யும் வேலை


A P
செப் 12, 2026 08:39

நாகரிகம் மற்றும் பகுத்தறிவு தெரியாதவர்கள்.


Barakat Ali
செப் 12, 2026 07:24

கருணையே வடிவான திருச்சபை ஆட்சியிலா இப்படி ??


Kasimani Baskaran
செப் 12, 2026 07:22

தாடை எலும்பு உடையும் வரை அடிப்பது காவலர்களின் உரிமை என்று உடன்பிறப்புகள் முழங்குவார்களா ?


புதிய வீடியோ