உள்ளூர் செய்திகள்

/ செய்திகள் / உலகம் / ஈரானைவிட்டு வெளியேறிய மோஜ்தபா கமேனி: சவூதி ஊடகம் வெளியிட்ட புதிய தகவல்

ஈரானைவிட்டு வெளியேறிய மோஜ்தபா கமேனி: சவூதி ஊடகம் வெளியிட்ட புதிய தகவல்

டெஹ்ரான்: ஈரான் உச்சத்தலைவர் மோஜ்தபா கமேனி நாட்டைவிட்டு வெளியேறிவிட்டதாக சவூதி அரேபியா ஊடகம் தெரிவித்துள்ளது.ஈரான், அமெரிக்கா போர் இன்னமும் ஓயவில்லை. இரு தரப்பிலும் போர் மேலும் தீவிரம் அடைந்துள்ளது, உலக நாடுகள் மத்தியில் பெரும் கவலையையும்,பிராந்திய ரீதியான அமைதியின்மையையும் ஏற்படுத்தி உள்ளது.ஈரானின் உச்சத்தலைவர் அயதுல்லா கமேனி கொல்லப்பட்ட பின்னர், அப்பொறுப்பை அவரின் மகன் மோஜ்தபா கமேனி ஏற்றுக் கொண்டார். தந்தையின் இறுதிச்சடங்கில் மோஜ்தபா கமேனி பங்கேற்காத சூழலில், ஜூலை 23ம் தேதி தந்தை கமேனி நினைவேந்தல் நிகழ்ச்சியில் கலந்து கொள்வார் என்று தெரிவிக்கப்பட்டு இருந்தது.இந் நிலையில், மோஜ்தபா கமேனி ஈரானைவிட்டு வெளியேறி விட்டதாக சவூதி அரேபியாவின் அல் ஹதாத் ஊடகம் செய்தியை வெளியிட்டு உள்ளது. இஸ்ரேல் பாதுகாப்புத்துறையிடம் கிடைக்க பெற்ற தகவல்கள் மூலம் இது உறுதிப்படுத்தப்பட்டு உள்ளதாகவும் அந்த செய்தி நிறுவனம் தெரிவித்து இருக்கிறது. மோஜ்தபா கமேனி பெயரில் வெளியாகும் எந்த அறிக்கையும், அறிவிப்பும் அவர் எழுதியது கிடையாது என்றும் கூறி இருக்கிறது. அதே நேரத்தில் அமெரிக்காவுடனான போர் முடிவுக்கு வரும் முன்பாக கமேனி எக்காரணம் கொண்டும் பொதுவெளியில் தோன்றமாட்டார். பாதுகாப்பு காரணங்களுக்காகவும், போர் சூழல் சீரடையும் வரை அவர் காத்திருப்பார் என்று டாஸ் செய்தி நிறுவனம் தெரிவித்து உள்ளது.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 4 )

N.Purushothaman
ஜூலை 20, 2026 13:41

மோஜ்டபா செயல்படாத நிலையில் தான் இருக்கிறார் என்கிற தகவல் உண்மையாக இருக்க வாய்ப்பு இருக்கிறது ...ஏனெனில் இப்போது ஐ ஆர் ஜீ சி யார் பேச்சையும் கேட்பதாகத்தெரியவில்லை ..தற்போது மூண்ட போருக்கு அவர்களே முழு முதற் காரணம் ...இந்த் சந்தர்ப்பதை பயன்படுத்தி ஐ ஆர் ஜீ சி மற்றும் இதர தீவிரவாத ட்ரிபிள் ஹெச் அமைப்புக்களை சுத்தமாக துடைத்தெறிய வேண்டும் ... ஈரானில் பெர்சிய கலாச்சாரம் மற்றும் அவர்களின் பழைய மதம் மீண்டும் உயிர்ப்பெற வேண்டும் ...அது ஒரு சம நிலையை நாட்டில் ஏற்படுத்தும் ...


S.selvakumar
ஜூலை 19, 2026 23:18

டிரம்ப் மற்றும் நேதான்யாகு இருவரும் ஆட்சியில் இருந்து அகற்றபடவேண்டும், டிரம்ப் போன்ற பித்தலாட்டகாரரை இந்தியா தூரத்தில் வைக்கவேண்டும், ஆட்டை கடித்து மாட்டை கடித்து மனிதனை கடித்துவிடும்.


Narayanasamy
ஜூலை 19, 2026 22:55

அமெரிக்காவால் ஈரான் மீது திணிக்கப்பட்ட தேவையில்லாத போர் இது இதன் விளைவுகளை ஈரான் மட்டுமல்ல உலகம் முழுவதும் அனுபவிக்கிறது.


Narayanasamy
ஜூலை 19, 2026 22:44

அமெரிக்காவால் தேவையில்லாமல் திணிக்கப்பட்ட போர் இது. இதன் விளைவை ஈரான் மட்டுமல்ல உலகமே அனுபவிக்கிறது.