இன்றைய போட்டோ
மேலும் இன்றைய போட்டோ
மேற்குவங்கம் கொல்கட்டாவில் துர்கா பூஜை விழாவிற்கான ஏற்பாடுகள் நடந்து வருகின்றன. இதையொட்டி அங்குள்ள பந்தல் ஒன்றில் சிவபெருமானையும், பார்வதியையும் குறிக்கும் கங்கவுர் எனப்படும் ராஜஸ்தானிய பாரம்பரிய திருவிழாவை சித்தரிக்கும் ஓவியங்கள் வரைந்த கலைஞர்.
23-09-2026 | 07:16
திருச்சி மாவட்டம் துறையூர் தொகுதி தவெக எம்எல்ஏவான துணை சபாநாயகர் ரவிசங்கர் தனது வீட்டிற்கு வராதீங்க, அலுவலகத்திற்கு வருமாறு தனது வீட்டின் முன் பேனர் வைத்துள்ளார்.
23-09-2026 | 07:12
சேலம், தேர் வீதி ராஜகணபதி கோவிலில் விநாயகர் சதுர்த்தி விழாவின் 9ம் நாளில் முதல்முறையாக தேரோட்டம் கோலாகலமாக நடந்தது. தேரில் உற்சவர் ராஜகணபதி, சர்வ அலங்காரததில் எழுந்தருளி பக்தர்களுக்கு காட்சியளித்தார்.
23-09-2026 | 07:07
அந்தி வானம் அள்ளித் தெளித்த வண்ணங்களால் மாலை பொழுதே ஓவியமாய் காட்சியளிக்கிறது. இடம்: காந்திபார்க், முத்தண்ணன் குளம்.
22-09-2026 | 23:13
விழுப்புரம் கலெக்டர் அலுவலகத்தில் நகராட்சி சார்பில் கொசு மருந்து அடிக்கும் பணியில் ஊழியர்கள் ஈடுபட்டுள்ளனர்.
22-09-2026 | 23:13
கோவையில் மாலை பொழுதில் பெய்து வரும் மழையால் குளிர்ந்த பூமியில் பூத்துக் குலுங்கும் புதுமலரில் தேனை ருசிக்கும் ஹம்மிங் மாத் பூச்சி. இடம்: வெள்ளலூர் குளக்கரை.
22-09-2026 | 07:48
சென்னை மற்றும் புறநகர் பகுதிகளில் பரவலாக பெய்த மழையில் நனைந்தபடி சென்ற வாகன ஓட்டிகள். இடம்: தாம்பரம்.
22-09-2026 | 07:43
வந்தே மாதரம் பாடலின் 150வது ஆண்டு விழாவை முன்னிட்டு நமாமி பாரதம் எனப்படும் பாரதமே உன்னை வணங்குகிறேன் என்ற தலைப்பில் நாடு தழுவிய குழு பாடல் நிகழ்ச்சிக்கு ஏற்பாடு செய்யப்பட்டது. இதையொட்டி உத்தரபிரதேச மாநிலம் பிரயாக்ராஜில் உள்ள பள்ளியொன்றில் மாணவர்கள் வந்தே மாதரம் பாடல் பயிற்சியில் ஆர்வத்துடனும், தேசபக்தியுடனும் பங்கேற்றனர்.
22-09-2026 | 07:40