கேலோ இந்தியா மகளிர் லீக் போட்டி டில்லியில் நடைபெற்றது இரண்டு நாட்கள் நடைபெற்ற தேசிய அளவிலான போட்டியில் இருபது மாநிலங்களை சேர்ந்த 500க்கும் மேற்பட்ட போட்டியாளர்கள் கலந்து கொண்டனர். மகளிருக்கான யோகா போட்டியில் கோவை யோவா யோகா அகாடமியை சேர்ந்த வீராங்கனைகள் பங்கேற்றனர். 18 வயதிற்கு மேற்பட்டோருக்கான ஆர்டிஸ்டிக் பிரிவில் பயிற்சியாளர் வைஷ்ணவி வெள்ளி பதக்கம் வென்றார் 18 வயதிற்கு உட்பட்டோருக்கான ஆர்டிஸ்டிக் ஜோடி பிரிவில் சக்தி சஞ்சனா மற்றும் தக்சயா ஸ்ரீ வெள்ளி வென்றனர். ஆர்டிஸ்டிக் குழு போட்டியில் பவ்யா ஸ்ரீ, ராகவர்தினி, ஷிவானி, சக்தி சஞ்சனா மற்றும் தக்சயா ஸ்ரீ சிறப்பாக விளையாடி டாப் 5 லிஸ்டில் இடம்பெற்றனர். வெற்றி பெற்று சொந்த ஊர் திரும்பிய வீராங்கனைகளுக்கு கோவை ஏர்போர்ட்டில் உற்சாக வரவேற்பு அளிக்கப்பட்டது