கோவை வடவள்ளியில் சாய் டேக்வாண்டோ கிளப் சார்பில் மாநில அளவிலான தி ஸ்ட்ராங் மேன் சாம்பியன்ஸ் 2024 வலுதூக்கும் போட்டி நடைபெற்றது. சீனியர், ஜூனியர், சப் ஜூனியர் உள்ளிட்ட பிரிவுகளின் கீழ் ஆண்கள் மற்றும் பெண்களுக்கு என தனித்தனியாக போட்டிகள் நடத்தப்பட்டன. இதில் பல்வேறு மாவட்டங்களைச் சேர்ந்த சிறியவர் முதல் பெரியவர் வரை 200 பேர் பங்கேற்றனர். பென்ச் பிரஸ், டெட் லிஃப்ட், புஷ் அப் உள்ளிட்ட பிரிவுகளில் போட்டிகள் நடத்தப்பட்டது. ஆண்களுக்கு நிகராக பெண்களும் அதிக எடையை தூக்கி பிரம்மிப்பூட்டினர். ஈஸ்வரன் என்ற 64 வயது முதியவர் தண்டால் எடுத்து அசத்தினார். பரிசளிப்பு விழாவில் பங்கேற்ற வடவள்ளி இன்ஸ்பெக்டர் ஃபிராங்க்ளின் 170 கிலோ எடையை சாதாரணமாக தூக்கி அங்கிருந்த வீரர்களை உற்சாகப்படுத்தினார். ஒட்டு மொத்த சாம்பியன் பட்டம் வென்ற நபருக்கு டூவீலர், கோப்பைகள், சான்றிதழ்கள் மற்றும் பதக்கங்கள் வழங்கப்பட்டன.