கோவை கல்வி மாவட்டத்திற்கு உட்பட்ட பள்ளிகளுக்கு இடையேயான பாரதியார் தின மற்றும் குடியரசு தின விளையாட்டு போட்டிகள் நடக்கிறது. ஆ குறுமையத்துக்கு உட்பட்ட ஹாக்கி போட்டி கணபதி சி.எம்.எஸ். மெட்ரிக் பள்ளி சார்பில் ஸ்டேன்ஸ் பள்ளி மைதானத்தில் நடைபெற்றது. இதில் மாணவர் மற்றும் மாணவியர் பிரிவுகளில் மொத்தம் 16 அணிகள் பங்கேற்று நாக் அவுட் முறையில் போட்டியிட்டன. மாணவியர் 14 வயது பிரிவில் சி.எஸ்.ஐ. பள்ளி முதலிடம், அல்வேர்னியா பள்ளி இரண்டாமிடம் பெற்றது. 17 வயது பிரிவில் சி.எஸ்.ஐ. முதலிடம், நிர்மலா மெட்ரிக் இரண்டாமிடம் பெற்றது. 19 வயது பிரிவில் சி.எஸ்.ஐ. முதலிடம், சி.எம்.எஸ்., இரண்டாமிடம் பெற்றது. மாணவர் 14 வயது பிரிவில் சித்தாபுதுார் மாநகராட்சி பள்ளி முதலிடம், இளங்கோ பள்ளி இரண்டாமிடம் பெற்றது. 17 வயது பிரிவில் இளங்கோ முதலிடம், சி.எம்.எஸ்., இரண்டாமிடம் பெற்றது. 19 வயது பரிவில் ஸ்டேன்ஸ் முதலிடம், சி.எம்.எஸ்., இரண்டாமிடம் பெற்றது. வெற்றி பெற்ற மாணவர்கள் மாவட்ட அளவிலான போட்டிக்கு தகுதி பெற்றனர்.