கோவை புறநகர் குறுமையத்துக்கு உட்பட்ட மாணவர்களுக்கான விளையாட்டு போட்டிகள் மதர்லேண்ட் பள்ளி சார்பில் நடக்கிறது. போட்டியை பள்ளி நிறுவனர் ஆசை தம்பி, தாளாளர் சீதா மற்றும் முதல்வர் லதா துவக்கி வைத்தனர். மாணவர் பிரிவு இறகுப்பந்து போட்டி எஸ்.பி.ஓ.ஏ. பள்ளியில் நடந்தது. 14, 17 மற்றும் 19 ஆகிய வயது பிரிவுகளில் போட்டிகள் நடத்தப்பட்டன. இதில் 14 வயது பிரிவில் காந்தியடிகள் கல்வி நிறுவனம் பள்ளி சூர்யா முதலிடம், கீர்த்திமான் பள்ளி தீரன் இரண்டாமிடம் பெற்றனர். 17 வயது பிரிவில் பாரதி மெட்ரிக். பள்ளி சச்சின் முதலிடம், லிஸ்யூ பள்ளி விஷ்வாஸ் இரண்டாமிடம் பெற்றனர். 19 வயது பிரிவில் லிஸ்யூ பள்ளி பிரணவ் முதலிடம், டி.ஏ. ராமலிங்க செட்டியார் பள்ளி சக்தி சூர்யா இரண்டாமிடம் பெற்றனர். வெற்றி பெற்ற மாணவர்கள் கோவை வருவாய் மாவட்ட அளவிலான போட்டிக்கு தேர்வு செய்யப்பட்டனர்.