கோவை சரவணம்பட்டி கே.ஜி.ஐ.எஸ்.எல். தொழில்நுட்பக் கல்லுாரியில் கே.ஜி.ஐ.எஸ்.எல்., டிராபி போட்டிகள் இரு நாட்கள் நடைபெற்றன. இதில் மாணவ, மாணவியிருக்கு வாலிபால், மாணவிகளுக்கான த்ரோபால், மாணவர்களுக்கான கபடி, பால் பேட்மின்டன் உள்ளிட்ட போட்டிகள் இடம்பெற்றன. பால் பேட்மின்டன் போட்டியில் இந்துஸ்தான் கல்லுாரி அணி 2-0 என்ற செட் கணக்கில் குமரகுரு தொழில்நுட்பக் கல்லுாரி அணியையும், கே.பி.ஆர். கல்லுாரி அணி 2-0 என்ற செட் கணக்கில் இந்துஸ்தான் தொழில்நுட்ப கல்லுாரி அணியையும் வென்றது. கே.ஜி.ஐ.எஸ்.எல். அணி, 2-0 என்ற செட் கணக்கில் கற்பகம் கல்லுாரி அணியையும், ஸ்ரீ ராமகிருஷ்ணா இன்ஜி., கல்லுாரி அணி, 2-1 என்ற செட் கணக்கில் சி.ஐ.டி., கல்லுாரி அணியையும், ஸ்ரீ சக்தி இன்ஜி., மற்றும் தொழில்நுட்ப கல்லுாரி அணி, 2-0 என்ற செட் கணக்கில் இந்துஸ்தான் கல்லுாரி அணியையும், எஸ்.என்.எஸ்., கல்லுாரி அணி, 2-0 என்ற செட் கணக்கில் கே.பி.ஆர்., கல்லுாரி அணியையும் வென்றது. இறுதிப்போட்டியில், ஸ்ரீ சக்தி இன்ஜி., மற்றும் தொழில்நுட்ப கல்லுாரி அணி, 35-32, 35-20 என்ற செட் கணக்கில் எஸ்.என்.எஸ்., கல்லுாரி அணியை வென்று முதலிடம் பிடித்தது. வாலிபால் இறுதிப்போட்டியில், இந்துஸ்தான் கல்லுாரி அணி, 25-23, 25-26, 25-23 என்ற செட் கணக்கில் கே.ஜி.ஐ.எஸ்.எல்., அணியை வென்றது. கபடி போட்டியில் இந்துஸ்தான் கல்லுாரி அணி, 35-28 என்ற புள்ளி கணக்கில் கே.ஜி.ஐ.எஸ்.எல்., அணி வென்றது. மாணவியருக்கான வாலிபால் போட்டியில், கே.ஜி.ஐ.எஸ்.எல்., அணி, 25-16, 25-23 என்ற செட் கணக்கில் கே.பி.ஆர்., கல்லுாரி அணியை வென்றது. வெற்றி பெற்றவர்களுக்கு, கே.ஜி.ஐ.எஸ்.எல்., தொழில்நுட்ப கல்லுாரி முதல்வர் சுரேஷ்குமார் பரிசுகள் வழங்கினார்.