பாரதியார் பல்கலை ‛அ குறுமையம் விளையாட்டுப் போட்டிகள் / sports meet / covai கோவை பாரதியார் பல்கலையில் ‛அ குறுமைய விளையாட்டு போட்டிகளை தேவாங்கப்பள்ளி அணி ஒருங்கிணைத்து நடத்தியது. இதில் கபடி, கேரம் உள்ளிட்ட போட்டிகளில் 500க்கும் மேற்பட்ட மாணவர்கள் பங்கேற்றனர். 19 வயதுக்கு உட்பட்ட மாணவர்களுக்கான கபடி இறுதிப் போட்டியில், புனித மைக்கில்ஸ் பள்ளி அணியும், ஹோலி பேமிலி பள்ளி அணியும் மோதின. பரபரப்பான ஆட்டத்தில், மைக்கில்ஸ் பள்ளி அணி, 36-22 என்ற புள்ளி கணக்கில் வெற்றி பெற்றது. 17 வயதுக்கு உட்பட்டோர் தனி நபர் கேரம் போட்டியில், மைக்கில்ஸ் பள்ளி அணி முதலிடத்தையும், ஒக்கிலியர் காலனி மாநகராட்சி பள்ளி இரண்டாம் இடத்தையும் பிடித்தது. இரட்டையர் பிரிவில் ஒக்கிலியர்காலனி மாநகராட்சி பள்ளி முதலிடத்தையும், மைக்கில் பள்ளி இரண்டாம் இடத்தையும் பிடித்தது. கால்பந்து போட்டியில் நேரு மகா வித்யாலயா பள்ளி அணி 3-2 என்ற புள்ளிகளில் தேவாங்கப் பள்ளி அணியை வென்று முதலிடம் பிடித்தது. அதேபோல் 19 வயதுக்கு உட்டோர் கேரம் போட்டியில் நேரு வித்யாலயாப் பள்ளி அணி முதலிடத்தையும், ஒக்கிலியர்காலனி மாநகராட்சி பள்ளி அணி இரண்டாம் இடத்தையும் பிடித்தன. வெற்றி பெற்ற மாணவ, மாணவியரை பள்ளி நிர்வாகத்தினர் பாராட்டினர்.