டாஸ்மாக் போராட்டத்தில் குடிமகன்கள்-மெகா ட்விஸ்ட் TASMAC issue | TVK Vijay | Viral video | Palladam டாஸ்மாக் கடைகளுக்கு எதிராக பெண்கள் நடத்திய போராட்டத்தில், மதுக்கடைகளை மூடுங்க விஜய் மாமா என்று குழந்தைகள் கோஷம் போட்டது பரபரப்பை ஏற்படுத்தியது. சீரியசாக நடந்த இந்த போராட்டத்தில் திடீரென புகுந்த குடிமகன்கள் கூட்டம், சிரிக்காமல் செய்த காமெடி அட்ராசிட்டி பாதுகாப்புக்கு வந்த போலீசாரையே விழுந்து விழுந்து சிரிக்க வைத்தது. திருப்பூர் மாவட்டம் பல்லடம் அடுத்த சின்னியகவுண்டம்பாளையத்தில் டாஸ்மாக் மதுக்கடை உள்ளது. பள்ளிக்கூடம், கோயில், ரேஷன் கடை, தோட்டங்களுக்கு பக்கத்தில் இருக்கும் இந்த மதுக்கடையை அகற்ற வேண்டும் என்று வலியுறுத்தி குழந்தைகளுடன் பெண்கள் போராட்டம் நடத்தினர். கணவன்மார்கள் குடித்து விட்டு தான் வேலைக்கு செல்கிறார்கள். சம்பாதிக்கும் பணம் வீட்டுக்கு வருவது இல்லை. போதையில் சிலர் ரோட்டில் கிடக்கின்றனர் என்று பெண்கள் ஆதங்கப்பட்டனர். தேர்தலின் போது அப்பா, அம்மா, உறவினர்களை எல்லாம் தவெகவுக்கு ஓட்டுப்போட சொல்லுங்கள் என்று குட்டீசுக்கு தவெக தலைவர் விஜய் அழைப்பு விடுத்து இருந்தார். போராட்டத்தின் போது தங்கள் வீட்டு குட்டீஸ்களை வைத்து, மதுக்கடைகளை மூட வேண்டும் என்று முதல்வர் விஜய்க்கு அழைப்பு விடுத்தனர். ‛அப்பாமார்கள் காலையிலேயே குடிக்கின்றனர். பள்ளிக்கூடம் செல்வோருக்கு நோட்டு, புக்கு கூட வாங்கி தருவதில்லை. எப்படியாவது டாஸ்மாக் கடைகளை மூடுங்க விஜய் மாமா என்று குழந்தைகள் கோரிக்கை வைத்தனர். இப்படி போராட்டம் சீரியசாக நடந்து கொண்டு இருந்த போது, போராடியவர்களின் வீட்டு ஆண்கள் ஸ்பாட்டுக்கு வந்து அட்ராசிட்டி செய்தனர். கூட்டத்துக்குள் பாய்ந்து வந்த ஒருவர், மதுக்கடையை மூடினால் நான் தூக்கில் தொங்கி விடுவேன் என்று அதிர வைத்தார். இன்னொருவரோ போராடிய தனது மனைவியை பார்த்து, ‛டாஸ்மாக் வேண்டாம் என்கிறாயா... அப்படி என்றால் நீயே எனக்கு வேண்டாம்; வீட்டுக்கு வந்து விடாதே; என் உயிரே மதுக்கடையில தான் இருக்கு. அத மட்டும் மூடிறாதீங்க... என்று அலும்பு செய்தார். மொத்தத்தில் சீரியசாக பெண்கள் நடத்திய போராட்டத்தை கலகலக்க வைத்து விட்டனர் குடிமகன்கள். இறுதியாக, கடைகளை மூட நடவடிக்கை எடுப்பதாக போலீசாரும், அதிகாரிகளும் பெண்களை சமாதானம் செய்து வைத்தனர்.