திருப்பூர் தெற்கு குறு மைய விளையாட்டு போட்டிகள் நடைபெற்று வருகிறது. அதில் பெண்கள் பிரிவு கபடி போட்டி முதலிபாளையம் நிப் டீ கல்லூரி மைதானத்தில் நடந்தது. 14 வயதுக்குட்பட்டோர் பிரிவில் 6 அணிகளும், 17 வயதுக்கு உட்பட்டோர் பிரிவில் 8 அணிகளும், 4 வயதுக்குட்பட்டோர் பிரிவில் 4 அணிகளும் மோதின. 19 வயதுக்குட்பட்டோர் பிரிவில் விஜயாபுரம் அரசு பள்ளி, எம்.என். எம்.சி. பள்ளி அணிகள் விளையாடின. அதில் விஜயாபுரம் அரசு பள்ளி 37:25 என்ற புள்ளி கணக்கில் வென்றது. 17 வயதுக்குட்பட்டோர் பிரிவில் வீரபாண்டி அரசு பள்ளியும், வேலவன் மெட்ரிக் பள்ளியும் விளையாடின. அதில் வீரபாண்டி அரசு பள்ளி அணி 31:15 என்ற புள்ளிக் கணக்கில் வெற்றி பெற்றது. போட்டி ஏற்பாடுகளை அரசு மற்றும் தனியார் பள்ளி உடற்கல்வி ஆசிரியர்கள் செய்திருந்தனர்.