கரூர் மாவட்டம் தளவாபாளையம் தனியார் பொறியியல் கல்லூரியில் முன்னாள் பாரத பிரதமர் டாக்டர் ஏபிஜே அப்துல் கலாம் 95வது பிறந்தநாள் விழாவை முன்னிட்டு அமெச்சூர் சிலம்பம் சங்கம் மற்றும் பாரத சிலம்பப் பயிற்சி பள்ளி இணைந்து உலக சாதனை நிகழ்ச்சி நடைபெற்றது. இதில் 500க்கும் மேற்பட்ட மாணவ, மாணவிகள் ஒன்றிணைந்து ஒரே நேரத்தில் சிலம்பம் சுற்றினர். அதே போல் 32 மாணவ, மாணவிகள் ஐஸ்கட்டி, ஆணி, முட்டை, பானை மீது ஏறி சிலம்பம் சுற்றியும், கண்களைக் கட்டிக் கொண்டு சிலம்பம் சுற்றினர். மேலும் நெருப்பினால் ஆன சிலம்பம், ஸ்கேட்டிங், சைக்கிளில் பயணித்தவாறு மொத்தம் 135 நிமிடம் இடைவிடாது சிலம்பம் சுற்றி புதிய உலக சாதனை படைத்தனர். இந்த உலக சாதனையை ஜெட்லீ புக் ஆஃப் வேர்ல்ட் ரெக்கார்ட் அங்கீகரித்து சான்றிதழ் வழங்கியது.