புதிய புறநகர் ஏசி ரயிலில் இத்தனை வசதிகளா! | Fully air conditioned EMU | AC suburban train | Chennai
சென்னையில் தினசரி வேலை, கல்லூரிக்கு செல்லும் மக்கள் அதிகம் பயன்படுத்தும் சேவையில் மின்சார ரயிலுக்கு எப்போதும் முக்கிய இடம் உண்டு. மிக குறைந்த கட்டணத்தில் வேகமாக பயணம் செய்ய முடிவதே இதற்கு காரணம். இப்போது புறநகர் பகுதிகளை இணைக்கும் வகையில், சுமார் 55 மின்சார ரயில்கள் இயக்கப்படுகின்றன. அவை சென்னை கடற்கரை - தாம்பரம் - செங்கல்பட்டு வழித்தடத்திலும், சென்னை சென்ட்ரல் - ஆவடி - திருவள்ளூர் வழித் தடத்திலும் இயங்குகின்றன. இந்த ரயில்கள் அனைத்துமே ஏசி வசதி இல்லாதவை. சென்னை புறநகரில் ஏசி வசதியுடன் கூடிய மின்சார ரயில்களை இயக்க பயணிகள் கோரிக்கை விடுத்து வந்தனர். இந்த சூழலில் தான், பெரம்பூரில் உள்ள ஒருங்கிணைந்த ரயில் பெட்டிகள் தயாரிக்கும் ICF தொழிற்சாலையில் புறநகர் ஏசி மின்சார ரயில் ஒன்று தயாரிக்கப்பட்டுள்ளது.