திரைப்பட இயக்குநர் கார்த்திக் சுப்பராஜ் இயக்கும் படத்தில் நடிகர் சூர்யா நடித்து வருகிறார். இப்படத்தின் 2ம் கட்ட படிப்பிடிப்பு ஜூலை 26முதல் ஊட்டியில் நடைபெற்று வருகிறது. நவாநகர் பேலஸ் என்ற இடத்தில் கடந்த 8 ம் தேதி சண்டை காட்சிகள் படமாக்கப்பட்டன. அப்போது சூர்யா தலையில் லேசான காயம் ஏற்பட்டது. ஷூட்டிங் நிறுத்தப்பட்டது. சூர்யா சென்னை கிளம்பி சென்றார். இந்த படப்பிடிப்பில் கலந்து கொள்வதற்காக, ரஷ்யாவை சேர்ந்த 155 பேர் கடந்த 27 ம் தேதி சுற்றுலா விசாவில் ஊட்டிக்கு வந்துள்ளனர். 3 ஓட்டல்களில் அவர்கள் தங்க வைக்கப்பட்டனர். வெளிநாட்டை சேர்ந்தவர்கள் ஊட்டியில் தங்கினால், அவர் பற்றி தகவல்களை ஓட்டல் நிர்வாகத்தினர் போலீசாருக்கு தெரிவிக்க வேண்டும். ஆனால் ரஷ்யர்கள் தங்கியிருந்த விவரம் போலீசாருக்கு தெரிவிக்கப்படவில்லை.