ஏர் இந்தியா விமானத்தில் திடீர் கோளாறு! | Air India flight | Chennai Airport
விமானத்தில் எரிபொருள் கசிவு! சுதாரித்த பைலட் தப்பிய பயணிகள் சென்னை ஏர்போர்ட்டில் இன்று காலை 11 மணி அளவில் சிங்கப்பூர் செல்லும் ஏர் இந்தியா விமானம் 145 பயணிகளுடன் புறப்பட தயாரானது. பைலட் எஞ்சினை இயக்கிய போது இயந்திர கோளாறு இருப்பதற்கான இண்டிகேசன் வந்துள்ளது. சுதாரித்த பைலட் எஞ்சினை ஆப் செய்து உடனடியாக கட்டுப்பாட்டு அறைக்கு தகவல் கொடுத்தார். பொறியாளர்கள் சோதனையில் விமானத்தில் எரிபொருள் கசிவு இருப்பது உறுதி செய்யப்பட்டது. கசிவை சரி செய்யும் பணியில் ஈடுபட்டு வருகின்றனர். உரிய நேரத்தில் பைலட் எச்சரித்ததால் 145 பயணிகள் உயிர் தப்பினர். கோளாறு சரி செய்து பகல் 2 மணிக்கு விமானம் புறப்படும் என அதிகாரிகள் கூறினர். 3.30 மணியை கடந்தும் விமானம் இயக்கப்படவில்லை.
டிச 11, 2024