மாணவர்கள் போராட்டம் காரணமாக வங்கதேச பிரதமர் பதவியை ராஜினாமா செய்த ஷேக் ஹசீனா, ராணுவ விமானத்தில் நாட்டைவிட்டு வெளியேறினார். டில்லி அருகே காசியாபாத்தில் உள்ள விமானப்படைக்கு சொந்தமான விமான தளத்தில் அவரது விமானம் இன்று மாலை தரையிறங்கியது. அவர் இந்தியாவில் தஞ்சம் அடைந்துள்ளதாக செய்திகள் பரவின. ஆனால், டில்லியில் இருந்து இங்கிலாந்து செல்ல அவர் திட்டமிட்டிருப்பது தெரியவந்துள்ளது. காசியாபாத்தில் ராணுவத்தினரின் பாதுகாப்பில் உள்ள ஷேக் ஹசீனாவை பிரதமரின் தேசிய பாதுகாப்பு ஆலோசகர் அஜித் தோவல் சந்தித்து பேசியதாக கூறப்படுகிறது. பிரதமர் மோடியை சந்தித்த வெளியுறவு அமைச்சர் ஜெய்சங்கர் வங்க தேச நிலவரம் குறித்து தகவல்களை பிரதமருக்கு எடுத்துரைத்தார். எதிர்க்கட்சி தலைவரான ராகுலிடமும் ஜெய்சங்கர் கலந்து பேசினார்.