பஸ் கட்டணம் உயர்கிறதா! வெளியான தகவல் பெட்ரோல், டீசல் விலை ,தொழிலாளர்களின் ஊதிய உயர்வு போன்ற காரணங்களால், பஸ் கட்டணங்களை உயர்த்துவது குறித்து தனி ஆணையம் அமைக்க தமிழக அரசு முடிவு செய்து இருப்பதாக தகவல் வெளியானது. பாமக தலைவர் அன்புமணி கண்டனம் தெரிவித்து, அப்படி ஒரு முடிவு இருந்தால் கைவிட வேண்டும் என கூறி இருந்தார். இந்த சூழலில் இதற்கு விளக்கம் அளித்து போக்குவரத்து துறை அறிக்கை வெளியிட்டு உள்ளது. பஸ் கட்டணங்களை உயர்த்துவது குறித்து தனி ஆணையம் அமைக்க அரசிடம் எந்த திட்டமும் இல்லை. மக்களுக்கு இடையூறு ஏற்படுத்தும் திட்டத்தை தமிழக அரசு செயல்படுத்தாது கட்டணத்தை உயர்த்துவது குறித்த எண்ணமும் இல்லை என கட்டணம் உயர்த்தப்படுவதாக வெளியான செய்திக்கு போக்குவரத்து துறை மறுப்பு தெரிவித்துள்ளது.