ரஞ்சிதமே டான்ஸ் மாஸ்டர் மீது இளம்பெண் பாலியல் புகார் டிஸ்க் - பிரபல தெலுங்கு சினிமா டான்ஸ் மாஸ்டர் ஜானி என்கிற ஷேக் ஜானி பாஷா. 44 வயதான இவர் தமிழ் சினிமாக்களிலும் நடன இயக்குநராக பணிபுரிந்து வருகிறார். திருச்சிற்றம்பலம் என்ற தமிழ் படத்தில் மேகம் கருக்காதோ பாடலில் சிறப்பான நடனம் அமைத்ததற்காக டான்ஸ் மாஸ்டர் ஜானிக்கு தேசிய விருது அறிவிக்கப்பட்டது. நடிகர் விஜய் நடித்த பீஸ்ட், வாரிசு படங்களில் இவரது நடன இயக்கம் பேசப்பட்டது. குறிப்பாக ரஞ்சிதமே பாடலுக்கான நடன அசைவுகள் பலராலும் விரும்பப்பட்டது. அவர் மீது தெலங்கானா மாநிலத்தில் உள்ள நர்சிங்கி போலீஸ் நிலையத்தில் பாலியல் வன்கொடுமை வழக்கு பதிவு செய்யப்பட்டுள்ளது. டான்ஸ் மாஸ்டர் ஜானி நடன குழுவில் இருந்த 21 வயது நடனக்கலைஞர், அங்கிருந்து வெளியேறி, தனக்கென குழுவை ஏற்படுத்தி திரைப்படங்களில் நடன இயக்குனராக பணிபுரிந்து வருகிறார். அவர் கொடுத்த புகாரின் பேரில் பாலியல் ஜானி பாஷா மீது வழக்கு பதிவு செய்யப்பட்டிருக்கிறது.