தனுஷ், நயன் மோதல்: நடந்தது இவ்வளவுதான் Dhanush Nayanthara VigneshShivan Naanum Rowdy Dhaan Dhanush
நடிகை நயன்தாரா, இயக்குனர் விக்னேஷ் சிவன் பல ஆண்டாக காதலித்து 2022ல் திருமணம் செய்தனர். நயன்தாரா நடிப்பில் மிகப்பெரிய வெற்றிபெற்ற நானும் ரவுடிதான் படத்தை இயக்கியது விக்னேஷ் சிவன். படப்பிடிப்பின்போதுதான் இவர்களிடையே காதல் அரும்பியது. இந்த படத்தை தயாரித்தது தனுஷ். நயன்தாராவின் திருமணம் மற்றும் திரைப்பயணம் தொடர்பாக தயாரிக்கப்பட்டுள்ள Nayanthara: Beyond the Fairy Tale என்ற ஆவணப்படம் நாளை நெட்பிளிக்ஸ் ஓடிடி தளத்தில் வெளியாகிறது. இந்த ஆவணப்படத்துக்கான ட்ரெய்லர் சமீபத்தில் வெளியானது. அதில் நானும் ரவுடிதான் படத்தின் 3 வினாடி வீடியோ பயன்படுத்தப்பட்டிருந்தது. அதற்காக, ரூ.10 கோடி கேட்டு பட தயாரிப்பாளர் தனுஷ் விக்னேஷ் சிவன் மற்றும் நயன்தாராவுக்கு நோட்டீஸ் அனுப்பினார்.