2025 டிசம்பரில் திமுக இளைஞரணி மாநாடு திருவண்ணாமலையில் நடந்தது. தன் குடும்ப நிலத்தில் மாநாடு நடத்தி இருந்தார் முன்னாள் அமைச்சர் எ.வ.வேலு, இதற்காக மலப்பம்பாடி ஏரியில் மண் திருடி, தன் குடும்ப நிலத்தில் மண்ணை கொட்டி சமப்படுத்தி உள்ளார். எ.வ.வேலு, அவரது மகன் குமரன் மற்றும் இதற்கு உடந்தையாக இருந்தவர்கள் மீது நடவடிக்கை எடுக்க வேண்டுமென லஞ்ச ஒழிப்பு போலீசில் அறப்போர் இயக்கம் புகார் அளித்தது. சென்ற மாதம் 13ம் தேதி அறப்போர் இயக்கத்தின் ஒருங்கிணைப்பாளர் ஜெயராம் வெங்கடேசன் இந்த புகார் கடிதம் கொடுத்து இருந்தார். முறைகேடாக மண் அள்ளி அரசுக்கு 8.22 கோடி இழப்பு ஏற்படுத்தியதாகவும் கூறி இருந்தார். இதன் அடிப்படையில் வேலு மற்றும் அவரது மகன் மீது திருவண்ணாமலை லஞ்ச ஒழிப்பு போலீசார் வழக்கு பதிந்துள்ளனர். இருவரும் ஆஜராகி விளக்கம் அளிக்க சம்மன் அனுப்பி இருப்பதாக லஞ்ச ஒழிப்பு போலீசார் தெரிவித்தனர். #DMK | #DMKEVVelu | #SandTheftCase | #Summon | #Corruption