டில்லியில் நடந்த ராமலீலாவில் சம்பவம் Delhi | Ram Leela | Sunil Gowsic | heart attack
ராமர் வேடம் போட்டவருக்கு மேடையில் நடந்த சோகம் நாடு முழுவதும் நவராத்திரி கொண்டாட்டங்கள் களை கட்டி உள்ளது. டில்லியில் ஒவ்வொரு ஆண்டும் ராம சரித்திரத்தை மையமாக வைத்து பல இடங்களில் மேடை நாடகங்கள் நடத்தப்படுவது வழக்கம். குறைந்தது ஆயிரம் இடங்களிலாவது ராம சரித்திர நாடகங்கள் நடக்கும். டில்லி விஸ்வகர்மா நகரில் நடந்த ராம லீலா நாடகத்தில் ராமர் வேடத்தில் 45 வயதுடைய சுனில் கௌசிக் நடித்தார். மேடையில் அவர் நடித்துக்கொண்டிருந்த போது திடீரென நெஞ்சை பிடித்துக் கொண்டு சரிந்தார். அவருக்கு மாரடைப்பு ஏற்பட்டதை உணர்ந்த நிகழ்ச்சி ஏற்பாடடாளர்கள் உடனடியாக மருத்துவமனைக்கு அழைத்து சென்றனர். அவரை பரிசோதித்த டாக்டர்கள், வழியில் சுனில் இறந்துவிட்டதாக கூறினர். ரியல் எஸ்டேட் தொழில் செய்யும் சுனில் கௌசிக் ஒவ்வொரு ஆண்டும் ராம லீலா நாடகத்தில் ராமர் வேடமிட்டு நடித்து வந்தார்.