மேற்கு ஆசிய நாடான கத்தார் நாட்டின் மன்னர் ஷேக் தமீம் பின் ஹமத் அல் தானி, அரசு முறை பயணமாக நேற்றிரவு டில்லி வந்தார். டில்லி ஏர்போர்ட் சென்ற பிரதமர் மோடி, மன்னர் ஷேக் தமீம் பின் அல் தானியை நேரில் வரவேற்றார். இன்று காலை ஜனாதிபதி மாளிகையில் ஜனாதிபதி முர்மு, மன்னர் அல் தானியை வரவேற்றார். கத்தார் மன்னருக்கு ராணுவ அணிவகுப்புடன் சிவப்பு கம்பள வரவேற்பு அளிக்கப்பட்டது. பிறகு, பிரதமர் மோடி - மன்னர் அல் தானி ஆகியோர் இரு நாட்டு உறவுகள் குறித்து பேச்சு வார்த்தை நடத்தினர். இரு தலைவர்கள் முன்னிலையில், இரு நாடுகளின் அமைச்சர்கள், அரசு பிரதிநிதிகள் ஆலோசனை நடத்தினர். வர்த்தகம், எரிசக்தி, தொழில் முதலீடு, தொழில்நுட்பம், ஆராய்ச்சி, உணவு பாதுகாப்பு, கலாச்சாரம், மக்கள் தொடர்பு உள்ளிட்ட துறைகளில், இரு நாடுகள் இடையே முக்கிய ஒப்பந்தங்கள் கையெழுத்தாகின.