லெபனான் நாட்டில் செயல்படும் ஈரான் ஆதரவு பெற்ற ஹிஸ்புல்லா பயங்கரவாதிகளை குறிவைத்து போருக்கு நிகரான தீவிர தாக்குதலை இஸ்ரேல் துவங்கியது. தெற்கு லெபனான் மற்றும் லெபனான் தலைநகர் பெய்ரூட் பகுதிகளில் ஹிஸ்புல்லாக்கள் பதுங்கி இருக்கும் இடம், வெடிமருந்து குடோன், ஆயுதம் பதுக்கி வைத்திருக்கும் இடம், ஏவி விட தயார் நிலையில் இருக்கும் ராக்கெட், ஏவுகணைகளை குறி வைத்து குண்டு மழை பொழிந்து வருகிறது. திங்கள் முதல் வியாழன் வரை நடந்த 4 நாள் தாக்குதலில் லெபனானில் 700 பேர் கொல்லப்பட்டனர். 2 ஆயிரத்துக்கும் அதிகமானோர் மரணம் அடைந்தனர். தெற்கு லெபனானில் இருந்து கடைசி 4 நாளில் 90 ஆயிரம் மக்கள் பாதுகாப்பான இடங்களுக்கு குடிபெயர்ந்து விட்டனர். கடைசி 11 மாதங்களில் மட்டும் இப்படி 2 லட்சம் பேர் இடம்பெயர்ந்து உள்ளனர்.