கும்பகோணத்தில் தஞ்சை வடக்கு மாவட்ட நிர்வாகிகள் சார்பில் தமிழக வெற்றி கழகத்தின் ஆலோசனை கூட்டம் நடந்தது. அக்கட்சியின் மாநில பொதுச் செயலாளர் ஆனந்த் பேசிக் கொண்டிருந்தார். அப்போது மேடை அருகில் சென்ற பெண் என் அண்ணன் சொத்தை விற்று விஜய் மக்கள் இயக்கத்தை வளர்த்தார். ஆனால் அவரை இன்னைக்கு ஒதுக்கி வச்சிடீங்களேனு ஆதங்கத்தை கொட்டினார். மனு கொடுங்கம்மா முறையாக விசாரிக்கிறோம் என கூறி ஆனந்த் அவரை சமாதானப்படுத்தினார். ஆனந்த் பாதுகாப்புக்காக வந்திருந்த பவுன்சர்கள் அந்த பெண்ணை அழைத்து சென்று, மண்டபத்தில் உள்ள கண்ணாடி அறையில் அடைத்தனர். இந்த சம்பவத்தை வீடியோ எடுக்க விடாமல் செய்தியாளர்களிடம் தமிழக வெற்றிக்கழக நிர்வாகிகள் வாக்குவாதம் செய்தனர். அந்த பெண் பெயர் புஷ்பா, இவரது அண்ணன் தங்கதுரை விஜய் ரசிகர் மன்றம் தொடங்கிய காலத்தில் இருந்து தஞ்சை மாவட்ட தலைவராக இருந்து வருகிறார். இயக்கத்திற்காக தன்னுடைய இடத்தை விற்று செலவு செய்த தங்கதுரைக்கு, கட்சி தொடங்கிய பிறகு முக்கியத்துவம் கொடுக்கவில்லை என புஷ்பா குரல் கொடுத்தது கூட்டம் முடிந்த பின் விசாரித்ததில் தெரிய வந்தது.