லோக்சபாவில் ஆபரேஷன் சிந்தூர் தொடர்பான விவாதத்தின்போது, எதிர்கட்சி தலைவர் ராகுல், மத்திய அரசை விமர்சித்து அனல் தெறிக்க பேசினார். இந்தியாவில் பயங்கரவாத தாக்குதலுக்கு பின்னால் இருக்கும் பாகிஸ்தானின் ராணுவ தலைவர் முனீர் உடன் அமெரிக்க அதிபர் டிரம்ப் உணவு அருந்துகிறார். அது பற்றி நமது பிரதமர் ஒன்றும் சொல்லவில்லை. எவ்வளவு தைரியம் இருந்தால், முனீரை உங்கள் அலுவலகத்திற்கு அழைப்பீர்கள் என்று டிரம்ப்பை பிரதமர் ஏன் கேட்கவில்லை? என்று ஆவேசத்துடன் கேட்டபடி ராகுல், பென்ச் மீது ஒங்கி குத்தினார். சபையில் அமளி எழுந்தது. உடனே சபாநாயகர் ஓம்பிர்லா குறுக்கிட்டார். ராகுல் தொடர்ந்து பேச முயன்றார். விடாமல் அவரை நிறுத்திய சபாநாயகர், மாண்புமிகு உறுப்பினர் அவர்களே இது இந்த சபையின் சொத்து, அதை குத்தி சேதப்படுத்திவிட வேண்டாம் வேண்டாம் என கூறினார்.