பாமக நிறுவனர் ராமதாசுக்கும், அவரது மகனும் கட்சித் தலைவருமான அன்புமணிக்கும் இடையிலான மோதல் உச்சக்கட்டத்தை எட்டி விட்டது. இருவரும் இரு துருவங்களாக செயல்பட்டு வருகின்றனர். பாமகவில் மொத்தம் 108 மாவட்டச் செயலாளர்கள், 108 மாவட்டத் தலைவர்கள் உள்ளனர். ஆனால், ராமதாஸ் கூட்டிய கூட்டத்தில் வெறும் 13 பேர் மட்டுமே கலந்து கொண்டனர். இதனால், அதிர்ச்சி அடைந்த ராமதாஸ், மாநிலப் பொருளாளர் மற்றும் மாவட்டச் செயலாளர்கள் சிலரை நீக்கிவிட்டு. புதியவர்களை நியமித்தார். அதற்கு பதிலளித்த அன்புமணி, பொதுக்குழுவால் தேர்ந்தெடுக்கப்பட்ட தலைவருக்குதான், கட்சி நிர்வாகிகளை நியமிக்கவும், நீக்கவும் அதிகாரம் உள்ளது. ராமதாசால் நீக்கப்பட்டவர்கள், அதே பொறுப்பில் தொடர்வர் என்று அறிவித்தார். இந்நிலையில், நேற்று முன்தினம் திருவள்ளூர், தென்சென்னை, வேலுார், மதுரை, ராமநாதபுரத்துக்கு புதிய மாவட்டச் செயலாளர்களை ராமதாஸ் நியமித்தார்.