தமிழகத்தில் சுயநிதி மற்றும் தனியார் மருத்துவக் கல்லூரிகளில் எம்.பி.பி.எஸ். படிப்பில் சேர NRI எனப்படும் வெளிநாட்டு வாழ் இந்தியர்களுக்கு 15 சதவீத இடங்கள் ஒதுக்கப்படுகின்றன. இந்தாண்டு மருத்துவ கவுன்சிலிங் ஆகஸ்ட்டில் தொடங்கி அக்டோபர் வரை நடைபெற்றது. இதில் கலந்துகொண்ட என்.ஆர்.ஐ. மாணவர்களில் 6 பேர் அளித்த சான்றிதழ்கள் போலியானவை என்பது தற்போது கண்டுபிடிக்கப்பட்டுள்ளது. மாணவர்கள் கொடுத்த தூதரக சான்றிதழ்களை அந்தந்த தூதரகங்களுக்கு அனுப்பி சரிபார்த்தபோது 6 பேர் கோல்மால் செய்தது தெரிந்தது. 6 பேரில் 3 பேர் மட்டும் அட்மிஷன் பெற்று கல்லூரியில் சேர்ந்துள்ளனர். அவர்களில் 2 பேர் சென்னை மாதா கல்லூரியிலும், மற்றொருவர் கோவை கற்பகம் கல்லூரியிலும் படிக்கின்றனர். போலி சான்றிதழ் கொடுத்து சீட் பெற்ற 3 மாணவர்களின் அட்மிஷனை தமிழக மருத்துவ தேர்வுக்குழு ரத்து செய்திருக்கிறது. போலி சான்றிதழ்கள் கொடுத்த மாணவர்கள் மீது போலீசில் புகார் செய்யப்படும் எனத்தெரிகிறது. ரத்து செய்யப்பட்ட 3 என்.ஆர்.ஐ. மாணவர்களின் இடங்களுக்கு வரும் 25ம் கவுன்சிலில் நடைபெறும் என மருத்துவ தேர்வுக்குழு அறிவித்துள்ளது