புதிய தலைவரின் தலைமையில் மாற்றம் எதிர்பார்க்கும் பாஜவினர்
பாஜவுடன் கூட்டணி இல்லவே இல்லை என்று அதிமுக பொதுச்செயலாளர் பழனிசாமி பலமுறை சொன்னாலும், டெல்லியில் பாஜவின் நிலைமை வேறு மாதிரியாக இருக்கிறது. விரைவில் பாஜவுக்கு தேசிய தலைவர் தேர்வு செய்யப்பட உள்ளார். அதன் பின் அதிமுகவுடன் கூட்டணி தொடர்பான வேலைகள் தொடங்கும் என பாஜவினர் கூறுகின்றனர். கூட்டணிக்காக என்னவெல்லாம் செய்ய வேண்டும் என்று சில தமிழக தலைவர்கள் பாஜ தலைவர்களிடம் சொல்லியிருக்கிறார்கள். புதிதாக வரும் பாஜ தலைவர் அது தொடர்பாக நடவடிக்கை எடுப்பார் என்கின்றனர். அதிமுக முன்னாள் அமைச்சர்களுடன் தொடர்பில் இருக்கும் மத்திய அமைச்சர் பியூஷ் கோயல், விரைவில் தமிழகம் வந்து கூட்டணிக்கான பூர்வாங்க வேலைகளை செய்ய உள்ளதாக சொல்லப்படுகிறது.
ஜன 12, 2025