திமுக அமைச்சர் லிஸ்ட்டில் அதிகாரிகள் பெயர் | modi formula | modi vs stalin | dmk 2026 election plan பிரதமர் மோடி, முன்னாள் அரசு உயர் அதிகாரிகளுக்கு அமைச்சர் பதவி வழங்கியது போல், வரும் சட்டசபை தேர்தலில் போட்டியிட, முன்னாள் ஐஏஎஸ் அதிகாரிகளுக்கு சீட் வழங்க திமுக முடிவு செய்துள்ளது. இதுகுறித்து அக்கட்சி வட்டாரம் கூறியது: தமிழகத்தில் 2026 சட்டசபை தேர்தலில், கூட்டணி கட்சிகளுடன் சேர்த்து 200 தொகுதிகளில் வெற்றி பெற திமுக மேலிடம் திட்டமிட்டுள்ளது. தேர்தலில் எதிர்பார்த்தபடி மீண்டும் வெற்றி பெற்று, ஆட்சியை பிடித்தால், முதல்வர் ஸ்டாலின் தலைமையிலான அமைச்சரவையில், இளைஞர்களுக்கு அதிக அளவில் வாய்ப்பு வழங்கப்பட உள்ளது. மோடி தன் அமைச்சரவையில், முக்கிய துறைகளில் பணியாற்றிய முன்னாள் ஐபிஎஸ், ஐஎப்எஸ் அதிகாரிகளுக்கு வாய்ப்பு அளித்து, அமைச்சராக்கி உள்ளார். இதே போல திமுகவுடன் நெருக்கமாக உள்ள மாஜி ஐஏஎஸ் ஐபிஎஸ் அதிகாரிகளை வரும் சட்டசபை தேர்தலில் களமிறக்க திமுக தரப்பில் முடிவெடுக்கப்பட்டுள்ளது. இதில் வெற்றி பெற்று வருவோரை, எதிர்கால திமுக அமைச்சரவையில் அமைச்சராக்கவும் மேலிடத்தில் தீர்மானிக்கப்பட்டுள்ளது. இதற்காக கருணாநிதி காலத்தில் இருந்து, திமுக தலைமையின் குடும்பத்துக்கு நெருக்கமாக உள்ள, முன்னாள் ஐஏஎஸ், ஐபிஎஸ் அதிகாரிகளில், அரசியல் பின்னணி உள்ளவர்கள் தொடர்பான விவரங்கள் சேகரிக்கப்பட்டு, கட்சி மேலிடத்துக்கு அனுப்பி வைக்கப்பட்டுள்ளது. முதல் கட்டமாக, இருவருடைய பெயர்கள் தேர்வு செய்யப்பட்டிருப்பதாக தகவல் வெளி வந்திருக்கிறது. இருவரில் ஒருவரை, திருவாரூர் மாவட்டத்தில் ஒரு தொகுதியிலும், இன்னொருவரை சென்னையில் ஒரு தொகுதியிலும் போட்டியிட வைக்கலாம் என்றும் கட்சி தலைமை முடிவெடுத்துள்ளது. தலைமையின் முடிவில் மாற்றம் ஏற்பட்டால், மேலும் சிலருக்கும் கூட வாய்ப்பு கிட்டலாம் என்கிறது திமுக வட்டாரம்.