எகிறும் பதக்க எண்ணிக்கை அசத்தும் இந்திய வீரர்கள்! பரபரக்கும் பாரிஸ் பாராலிம்பிக்ஸ் பிரான்ஸ் தலைநகர் பாரிசில், மாற்றுத்திறனாளிகளுக்கான பாராலிம்பிக் போட்டி ஆகஸ்ட் 28 முதல் நடக்கிறது. இதில் இந்திய வீரர்கள் சிறப்பான ஆட்டத்தை வெளிப்படுத்தி பதக்கங்களை குவித்து வருகின்றனர். வியாழன் வரை 5 தங்கம், 9 வெள்ளி, 11 வெண்கலம் என மொத்தம் 25 பதக்கங்களை கைப்பற்றி இருந்தனர். வெள்ளியன்று நடந்த ஆண்களுக்கான உயரம் தாண்டுதல் இறுதிப் போட்டியில் இந்தியாவின் பிரவீன் குமார் 2.08 மீட்டர் உயரம் தாண்டி தங்க பதக்கம் வென்றார். இவர், 2021 டோக்கியோ பாராலிம்பிக்ஸில் 2.07 மீட்டர் உயரம் தாண்டி வெள்ளி பதக்கம் வென்றார். இந்த போட்டியில் அவர் தாண்டியிருக்கும் 2.08 மீட்டர் உயரம் என்பது புதிய ஆசிய சாதனையாக பதிவானது.