சிலந்தி ஆற்றில் தடுப்பணை; தீர்ப்பாயத்தில் தமிழகம் அறிக்கை | Check Dam Project Across Silanthi River
கேரளாவின் இடுக்கி மாவட்டம் தேவிகுளம் பகுதியில், அமராவதியின் துணை ஆறான சிலந்தி ஆற்றின் குறுக்கே, கேரள அரசு தடுப்பணை கட்டி வருகிறது. இது குறித்து பத்திரிகைகளில் வெளியான செய்திகள் அடிப்படையில், தென்மண்டல பசுமை தீர்ப்பாயம் விசாரித்து வருகிறது. தீர்ப்பாயத்தின் உத்தரவுப்படி, தமிழக வனத்துறை தலைவர் சீனிவாச ராமச்சந்திர ரெட்டி அறிக்கை தாக்கல் செய்துள்ளார். அதில் கூறியிருப்பதாவது: அமராவதி ஆற்றின் நீர்வரத்தை நம்பித்தான் அமராவதி அணை உள்ளது. அதன் கிளை நதியான சிலந்தி ஆற்றின் குறுக்கே, கேரளா அரசு தடுப்பணை கட்டினால், அமராவதி அணைக்கு நீர் செல்வது தடைபடும். அமராவதி ஆற்றிலும், அணையிலும் நீர் ஓட்டம் குறைவது, அமராவதி அணையை சார்ந்துள்ள வனவிலங்குகள், தாவரங்களை பாதிக்கும்.